ەلورداداعى جارمەڭكەگە پاۆلودار وبلىسىنان 520 توننا ازىق- تۇلىك اكەلىندى
قوس ءوڭىردىڭ اكىمدىكتەرىنىڭ وكىلدەرى جارمەڭكەنى ساعات تاڭەرتەڭگى توعىزدان باستاماق بولىپتى. الايدا سەگىزدەن باستاپ ەلوردالىقتار جارمەڭكەگە كوپتەپ كەلە باستاعاندىقتان ساۋداگەرلەرگە ساۋدا سورەسىن ەرتەرەك اشۋعا تۋرا كەلگەن. جارمەڭكە وتەتىن «حان شاتىر» و س و ماڭىندا كولىكتەر سىعىلىسىپ، جۇرت قىزۋ ساۋداعا كىرىسكەن.
«نۇر- سۇلتان قالاسى اكىمدىگىنىڭ شاقىرۋىمەن پاۆلودار ءوڭىرىنىڭ حالقى جالپى جيىنى 520 توننا بولاتىن ازىق- تۇلىگىن الىپ كەلدى. اتاپ ايتقاندا 60 توننا ەت (سيىر، جىلقى، قوي مەن تاۋىق ەتى) ، 240 توننا كارتوپ، 105 توننا جەمىس- جيدەك پەن كوكونىس، سونداي باسقا دا ونىمدەر جەتكىزىلدى. بۇل شاراعا پاۆلودار وڭىرىنەن تولىعىمەن، 3 قالا مەن 10 اۋداننىڭ شارۋالارى قاتىسۋدا. ءبارى دە دەلدالسىز ءوز ءونىمىن وتكىزۋ مۇمكىندىگىنە يە بولىپ وتىر» - دەيدى پاۆلودار وبلىسى اۋىل شارۋاشىلىعى باسقارماسىنىڭ ءبولىم باسشىسى تولەگەن كوشەربايەۆ.
ونىڭ ايتۋىنشا قازىرگى ۋاقىتتا پاۆلودار وبلىسى الەۋمەتتىك ماڭىزى بار ازىق- تۇلىك تۇرلەرىمەن ءوزىن- ءوزى قامتاماسىز ەتىپ وتىرعان ءوڭىر.
«ماسەلەن ءسۇت پەن ەت بويىنشا ءوز- ءوزىمىزدى 100 پايىز قامتىپ كەلەمىز. كارتوپ ءوندىرۋ جاعىنان ءوز قاجەتتىگىمىزدى جەتى ەسە ارتىق جابۋدامىز. سول سەكىلدى ماكارون ءوڭىر قاجەتتىگىنەن بەس ەسە، ارپا التى ەسە ارتىق وندىرىلەدى. ءبىزدىڭ ايماقتان قازىلىپ الىناتىن كارتوپ مەن ءسابىز قازاقساننىڭ بۇكىل وڭىرىنەن بولەك، رەسەي مەن وزبەكستانعا جونەلتىلەدى»، - دەدى ول.
تولەگەن كوشەربايەۆ پاۆلودارداعى «كەممي» ونىمدەرى سانكت- پەتەربۋرگ پەن ساحالينگە دەيىن ەكسپورتتالاتىنىن ايتادى. سول سەكىلدى «سماك» كومپانياسىنىڭ رەسەيدە 40 قا جۋىق دەبيۋتورلىق نۇكتەسى بار. ولار ءىرى ەكسپورتەرلار.
«بۇگىنگى جانە ەرتەڭگى جارمەڭكەدە اكەلگەن ونىمدەرىمىزدىڭ 90-95 پايىزىن وتكىزسەك دەپ وتىرمىز. ەلوردا حالقىن بيىلعى جىلدىڭ سوڭعى ايماقتىق جارمەڭكەگە شاقىرامىز»، - دەپ ءتۇيدى تولەگەن كوشەربايەۆ.