بيىل قازاقستانعا كەلگەن يمميگرانتتار سانى بىردەن 51 پايىزعا ءوستى

استانا. قازاقپارات - بيىل قاڭتار-قىركۇيەكتە ەلىمىزگە 11 مىڭ ادام كەلگەن. بۇل وتكەن جىلدىڭ 9 ايىمەن سالىستىرعاندا ءبىر جارىم ەسە ارتىق، دەپ حابارلايدى قازاقپارات ءتىلشىسى.

Ranking.kz پورتالىنىڭ دەرەگىنشە، وڭىرلەر بويىنشا كەلگەندەردىڭ باسىم بولىگى ماڭعىستاۋ وبلىسىنا تۇراقتاعان: 2,4 مىڭ ادام، ءبىر جىلدا 53,9 پايىزعا كوبەيگەن.

ودان كەيىن الماتى (2,1 مىڭ ادام، %67,1 كوبەيگەن) جانە الماتى وبلىسى (1,4 مىڭ ادام، 8,4 ەسە كوبەيگەن) تۇر.

كەلگەندەر ەڭ از قونىستانعان ءوڭىر قىزىلوردا وبلىسى: جىل باسىنان بەرى نەبارى 12 ادام كەلدى، ءبىر جىل بۇرىن 7 ادام عانا بولعان.

قاراعاندى وبلىسىنان كوپ ادام كەتكەن: 2,5 مىڭ - ءبىر جىل بۇرىنعىدان 31,5 پايىزعا از.

ودان كەيىنگى ورىندا - قوستاناي (2,4 مىڭ ادام، %6 ازايعان) جانە پاۆلودار (2,3 مىڭ ادام، %14,8 ازايعان) وبلىستارى.

ەڭ از ادام قىزىلوردا وبلىسىنان كەتكەن: بار بولعانى 42، ءبىر جىل بۇرىنعىدان 28,8 پايىز ازايعان.

بيىل ەلىمىزگە 989 تەحنيكالىق، 516 سى ەكونوميكالىق، 351 ءى پەداگوگيكالىق، 219 ى مەديتسينالىق، 130 ى زاڭگەرلىك، 106 سى ساۋلەت-قۇرىلىس، 70 اۋىل شارۋاشىلىعى ماماندارى كەلگەن.

ەلىمىزدەن كەتكەندەردىڭ ىشىندە 3,5 مىڭ ادام تەحنيكالىق، 1,6 مىڭى ەكونوميكالىق، 1 مىڭى پەداگوگيكالىق، 542 ءى مەديتسينالىق، 378 ءى زاڭگەرلىك، 218 ءى ساۋلەت-قۇرىلىس ونەرى، 159 ى اۋىل شارۋاشىلىعى ماماندىعىن العان.

بيىل وزبەكستاننان كەلگەندەر سانى باسىم: 4,8 مىڭ ادام - ءبىر جىل بۇرىنعىدان بىردەن 88,8 پايىز ارتىق.

ەكىنشى جانە ءۇشىنشى ورىندا رەسەي مەن تۇرىكمەنستان تۇر. ۇزدىك بەستىككە قىرعىزستان مەن قىتاي دا كىرەدى.

قازاقستاننان رەسەيگە كەتكەندەردىڭ قاراسى قالىڭ: 16,6 مىڭ ادام - ءبىر جىل بۇرىنعىدان 21,4 پايىز از.

ودان كەيىن گەرمانيا، ا ق ش، پولشا جانە وزبەكستان الدىڭعى ورىندا.