12:31, 23 - ءساۋىر 2021 | GMT +6
ا ق ش-تا 51-شتات پايدا بولۋى مۇمكىن
نۇرسۇلتان. قازاقپارات – وكىلدەر پالاتاسى بەيسەنبى كۇنى ا ق ش استاناسى ۆاشينگتون (كولۋمبيا وكرۋگى) 51-شتات بولىپ تانىلاتىن زاڭ جوباسىن قابىلدادى.
بۇل تۋرالى CBS News حابارلايدى.
«بۇل كولۋمبيا وكرۋگىنىڭ تۇرعىندارى ءۇشىن دە، كولۋمبيانىڭ مەملەكەتتىلىگى ءۇشىن دە تاريحي جەڭىس بولدى»، - دەدى ا ق ش وكىلدەر پالاتاسىنىڭ مۇشەسى ەلەونورا نورتون.
ۆاشينگتون مارتەبەسىنىڭ وزگەرۋىن پالاتانىڭ 216 مۇشەسى قولداسا، 208 ى قارسى بولعان. ەندى بۇل زاڭ جوباسى سەناتتا قارالادى. ال ول قولداۋ تابۋى ءۇشىن دەموكراتتارعا رەسپۋبليكاندىقتاردىڭ كەم دەگەندە 10 داۋىسى قاجەت. سوندىقتان دا تەلەارنا ءتيىستى قۇجاتتىڭ سەناتتا قابىلداناتىنىنا كۇمان كەلتىرىپ وتىر. سەبەبى بىلتىر دا بۇل زاڭ جوباسى سەناتتان كەرى قايتقان.
24.kz