وبلىستا جەمقورلىق ءۇشىن 51 ازامات بوستاندىعىنان ايىرىلدى
بۇل تۋرالى انتيكور ورتالىعىندا وتكەن بريفينگىدە ايتىلدى، دەپ حابارلايدى قازاقپارات. اتىراۋ وبلىستىق سىبايلاس جەمقورلىققا قارسى ءىس- قيمىل دەپارتامەنتىنىڭ مالىمەتىنشە، سونداي-اق بريفينگىدە 1 ميلليارد تەڭگەدەن استام قارجى مەملەكەت بيۋدجەتىنە قايتارىلعانى جانە 11 بيزنەس سۋبەكتىسىنىڭ قۇقىعى قورعالعانى ءمالىم ەتىلدى. جالپى، وتكەن جىلدىڭ قورتىندىسى بويىنشا وڭىردە جەمقورلىق دەڭگەيى 9 پروتسەنتكە تومەندەگەن. ونىڭ ىشىندە، اۋىر قىلمىس جاساۋ 1,6 ەسەگە، جىمقىرۋ جانە الاياقتىق 2 ەسەگە ازايعان.
«سوڭعى ەكى جىلدا انتيكور قىزمەتكەرلەرى وڭىردە پارا بەرگەن 480, كاسىپكەرلىككە زاڭسىز قول سۇققان 713 فاكتىنى انىقتادى. جەمقورلىقتىڭ باسىم كوپشىلىگى ءبىلىم، ىشكى ىستەر، دەنساۋلىق سالالارىندا انىقتالدى»، - دەدى وبلىستىق سىبايلاس جەمقورلىققا قارسى ءىس- قيمىل دەپارتامەنتىنىڭ باسشىسى قانات سۇلەيمەنوۆ.
ا د دەپارتامەنت باسشىسىنىڭ ورىنباسارى ايدوس مامىتتىڭ ايتۋىنشا، بيىل جەمقورلىقپەن كۇرەس ودان ءارى كۇشەيتىلدى.
«زاڭنامالارعا وزگەرىستەر ەنگىزىلىپ، ءبىرقاتار شارا قولعا الىندى. ماسەلەن، ازامات پارا العانى جانە بەرگەنى ءۇشىن ەندى 7 جىلعا باس بوستاندىعىنان ايىرىلادى. سونداي- اق، مەرزىمىنەن بۇرىن بوساتىلۋ بولمايدى»، - دەدى ول.