16:14, 04 - جەلتوقسان 2019 | GMT +6
ديماشتىڭ نيۋ-يوركتەگى كونسەرتىنە الەمنىڭ 51 ەلىنەن جانكۇيەرلەر بارادى
نۇر-سۇلتان. قازاقپارات - ديماشتىڭ نيۋ-يوركتە 10- جەلتوقساندا وتەتىن جەكە كونسەرتىنە الەمنىڭ 51 ەلىنەن جانكۇيەرلەر بارادى، دەپ حابارلايدى قازاقپارات.
«ديماشتىڭ امەريكالىق فانكلۋبىنىڭ اقپاراتى بويىنشا نيۋيوركتاعى «ارناۋ» كونسەرتىنە 51 ەلدىڭ ازاماتتارى كەلمەك ەكەن»، - دەپ جازدى ءانشىنىڭ اكەسى قانات ايتبايەۆ facebook پاراقشاسىندا.
ايتا كەتسەك، كونسەرت قازاقستاننىڭ ا ق ش- تاعى مادەنيەت كۇندەرى اياسىندا ۇيىمداستىرىلىپ وتىر.
«Arnau tour ENVOY» - ماۋسىم ايىندا «قازاقستان» ر ت ر ك» ا ق ۇيىمداستىرۋىمەن نۇر-سۇلتان قالاسىندا وتكەن «ARNAU» كونسەرتىنىڭ جاڭارعان نۇسقاسى. الەم تىڭدارماندارى بۇل كەشتە جاڭا باعدارلامامەن قاتار، «ARNAU» باعدارلاماسىنىڭ ۇزدىك نومىرلەرىن كورەتىن بولادى. كونسەرتتىڭ تەلەۆيزيالىق نۇسقاسىنىڭ كورسەتىلىم ۋاقىتى قوسىمشا جاريالانادى.
ديماشتىڭ نيۋ-يوركتەگى كونسەرتىنە بيلەتتەر ءبىر جارىم ايدا ساتىلىپ كەتكەن.