دەنساۋلىق ساقتاۋ مينيسترلىگىنىڭ مەنشىگىندەگى 516 ميلليون تەڭگەنىڭ مۇلكى نازاربايەۆ ۋنيۆەرسيتەتىنە بەرىلمەك

None
استانا. قازاقپارات - دەنساۋلىق ساقتاۋ مينيسترلىگىنىڭ مەنشىگىندەگى قۇرىلىسى اياقتالماعان نىساندار «نازاربايەۆ ۋنيۆەرسيتەتىنىڭ» بالانسىنا بەرىلمەك، دەپ حابارلايدى قازاقپارات ءتىلشىسى.

«وسى قاۋلىنىڭ قوسىمشاسىنا سايكەس، ق ر دەنساۋلىق ساقتاۋ مينيسترلىگىنىڭ بالانسىنان «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمىنىڭ مەنشىگىنە اياقتالماعان قۇرىلىسقا ارنالعان شىعىندار تۇرىندەگى رەسپۋبليكالىق مۇلىك بەرىلسىن»، - دەلىنگەن اشىق ن ق ا پورتالىندا جاريالانعان ۇكىمەت قاۋلىسىنىڭ جوباسىندا.

قۇجاتقا قوسىمشا بەرىلگەن تۇسىندىرمەدە جازىلعانداي، مۇلىكتى وقۋ ورنىنا بەرۋ باستاماسى بىلتىر انىقتالعان مينيسترلىكتىڭ ەسەپ اۋديتىندەگى ولقىلىقتاردى جويۋ ءۇشىن ۇسىنىلىپ وتىر.

«قاۋلى قابىلداۋ دەنساۋلىق ساقتاۋ مينيسترلىگىنىڭ تەڭگەرىمىندەگى مۇلىكتى «نازاربايەۆ ۋنيۆەرسيتەتى» دەربەس ءبىلىم بەرۋ ۇيىمىنىڭ مەنشىگىنە بەرۋدى جۇزەگە اسىرۋعا جانە مينيسترلىكتىڭ 2022 -جىلعى شوعىرلاندىرىلعان قارجىلىق ەسەپتىلىگى اۋديتىنىڭ قورىتىندىلارى بويىنشا انىقتالعان بۇزۋشىلىقتى جويۋعا مۇمكىندىك بەرەدى»، - دەپ تۇسىندىرمە بەرىلگەن قاۋلىعا.

بەلگىلى بولعانداي، ەندى «نازاربايەۆ ۋنيۆەرسيتەتىنىڭ» مەنشىگىنە جالپى سوماسى 516 ميلليون 911 مىڭ 331 تەڭگە بولاتىن قۇرىلىسى اياقتالماعان مىنا نىساندار وتەدى:

- 10 ك ۆ ەلەكترمەن جابدىقتاۋ جەلىلەرى - 26434 تەڭگە؛

- ت پ-10/0ك ۆ جانە ك ل 6-10 ك ۆ قۇرىلىسى - 24267667 تەڭگە؛

- ەلەكترلىك مونتاجداۋ جۇمىستارى - 13217230 تەڭگە؛

- «استانا قالاسىندا 180 توسەكتىك ۇلتتىق عىلىمي كارديوحيرۋرگيالىق ورتالىق» ك ە ا ق جوبالاۋ- سمەتالىق قۇجاتتاماسى -

345200000 تەڭگە؛

- «استانا قالاسىندا ءبىر اۋىسىمدا 500 ادام قابىلدايتىن رەسپۋبليكالىق دياگنوستيكالىق ورتالىق» ا ق- نىڭ جوبالاۋ- سمەتالىق قۇجاتتاماسى - 134200000 تەڭگە.

ۇكىمەت قاۋلىسى 9-ماۋسىمعا دەيىن كوپشىلىك تالقىلاۋدا بولادى.


سوڭعى جاڭالىقتار