قازاقستاندىقتار زەينەتاقى جيناقتارىنىڭ 50 پايىزىن جەكە ينۆەست كومپانياعا بەرە الادى
الەۋمەتتىك كودەكس اياسىندا 2023 -جىلعى 1 -شىلدەدەن باستاپ ءبىرىڭعاي جيناقتاۋشى زەينەتاقى قورىنىڭ (ب ج ز ق) سالىمشىلارىنا ءوزىنىڭ زەينەتاقى جيناقتارى سوماسىنىڭ % 50- نا دەيىن ءوزىنىڭ دەربەس تاڭداۋى بويىنشا جەكە باسقارۋشى ينۆەستيتسيالىق كومپانيالارعا بەرۋ قۇقىعى بەرىلەدى. بۇل ازاماتتارعا زەينەتاقى اكتيۆتەرىن باسقارۋعا قاتىسۋعا، وزدەرىنىڭ زەينەتاقى جوسپارىن قۇرۋعا، جيناقتارىن ينۆەستيتسيالاۋدىڭ بالاما ساياساتىن تاڭداۋعا مۇمكىندىك بەرەدى.
جيناقتاردى جەكە باسقارۋعا بەرۋ كەزىندە ءارتۇرلى ينۆەستيتسيالىق ستراتەگيالاردى پايدالانۋ سالىمشىلاردىڭ تاۋەكەلدەرىن ءارتاراپتاندىرۋعا، نەعۇرلىم جوعارى ينۆەستيتسيالىق تابىستىلىقتى الۋعا جانە تيىسىنشە زەينەتاقى جيناقتارىنىڭ ۇلعايۋىنا ىقپال ەتەتىن بولادى.
سالىمشى زەينەتاقى جيناقتارىن جەكە باسقارۋشى كومپانياعا اۋدارعان كەزدە ونىڭ جيناقتارىن باسقا باسقارۋشى كومپانياعا اۋدارۋ نە ۇلتتىق بانكتىڭ، ياعني ب ج ز ق- نىڭ باسقارۋىنا قايتارۋ قۇقىعى ساقتالادى.
مەملەكەت ۇلتتىق بانكتىڭ باسقارۋىنداعى، ياعني بجزق- داعى جيناقتار بويىنشا عانا زەينەتاقى جيناقتارىنىڭ ساقتالۋىنا كەپىلدىك بەرەدى.
ينۆەستيتسيالىق پورتفەلدى باسقارۋشىنىڭ (بۇدان ءارى – ي پ ب) باسقارۋىنا بەرىلەتىن زەينەتاقى جيناقتارىنىڭ ساقتالۋىنا سالىمشى تاڭداعان ي ب پ جاۋاپتى بولادى.
جىل قورىتىندىسى بويىنشا يپب العان نومينالدى تابىس پەن زەينەتاقى اكتيۆتەرى تابىستىلىعىنىڭ ەڭ تومەنگى ءمانى اراسىنداعى تەرىس ايىرما تۋىنداعان جاعدايدا وسى باسقارۋشى كومپانيا اتالعان ايىرمانى سالىمشىعا ءوز قاراجاتى ەسەبىنەن وتەۋگە مىندەتتى.
زەينەتاقى جيناقتارىن سەنىمگەرلىك باسقارۋعا بەرۋ ءۇشىن سالىمشى بجزق- عا جۇگىنۋى قاجەت.