12:01, 27 - ناۋرىز 2023 | GMT +6
دەلدالدار استاناداعى ازىق- تۇلىك باعاسىن 50 پايىزعا دەيىن قىمباتتاتىپ وتىر - اكىمدىك
استانا. قازاقپارات - استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ماقسات جاڭابايەۆ ەلوردادا ازىق- تۇلىك باعاسىنىڭ قىمباتتىعىنا قانداي فاكتورلار اسەر ەتىپ وتىرعانىن اتادى، دەپ حابارلايدى قازاقپارات ءتىلشىسى.
«ازىق- تۇلىك باعاسىنىڭ وسۋىنە نەگىزىنەن دەلدالدىق سحەمالار اسەر ەتىپ وتىر. بۇل جەردە ازىق- تۇلىك وندىرۋشىلەر باعانى كوتەرىپ جاتپاعانىن ايتۋ كەرەك. باعانى دەلدالدار كوتەرەدى. سولار باعانى 50 پايىزعا دەيىن قولدان قىمباتتاتادى. بۇگىنگى تاڭدا بۇل باعىتتا وڭىرلىك كوميسسيامەن بىرگە جۇمىس جۇرگىزىپ جاتىرمىز»، - دەدى ول باسپا ءسوز كونفەرەنسياسىندا.
ايتۋىنشا، اتالعان كوميسسيانىڭ 21 وتىرىسى وتكەن.
«ونىڭ 9-ى كوشپەلى كوميسسيا بولدى. سونداي- اق، ساۋداداعى ۇستەمەاقىنى 15 پايىزدان اسىرماۋعا باعىتتالعان زاڭدى شارالاردى ءتۇسىندىرۋ جۇمىستارىن جالعاستىرامىز»، - دەدى ماقسات جاڭابايەۆ.
اۆتور
ەسىمجان ناقتىباي