قاۋىپسىز ەل ۇلتتىق جوباسى اياسىندا شەكارا بولىمشەلەرىنىڭ 50 تيپتىك كەشەنى سالىنادى

None
استانا. قازاقپارات - «قاۋىپسىز ەل» ۇلتتىق جوباسى اياسىندا شەكارا بولىمشەلەرىنىڭ 50 تيپتىك كەشەنى سالىنادى. بۇل جايىندا سەنات دەپۋتاتتارىنىڭ ساۋالىنا پرەمەر- مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«تۇتاستاي العاندا، شەكارا زاستاۆالارىنىڭ ماتەريالدىق- تەحنيكالىق بازاسى مەن الەۋمەتتىك وبەكتىلەرىنىڭ جاي- كۇيىن تەكسەرۋدى ۇلتتىق قاۋىپسىزدىك كوميتەتىنىڭ شەكارا قىزمەتى مۇددەلى مەملەكەتتىك جانە جەرگىلىكتى اتقارۋشى ورگاندارمەن بىرلەسىپ تۇراقتى نەگىزدە جۇرگىزەدى. تەكسەرۋ قورىتىندىسى بويىنشا ۋاكىلەتتى ورگاندار ءتيىستى ءىس- شارالار قابىلدايدى»، - دەپ اتاپ وتەدى ۇكىمەت باسشىسى جاۋابىندا.

ونىڭ دەرەگىنشە، ۇ ق ك ش ق اسكەري قىزمەتشىلەرى ءۇشىن قولايلى تۇرعىن ءۇي- تۇرمىستىق جاعدايلار جاساۋ ماقساتىندا «قاۋىپسىز ەل» ۇلتتىق جوباسىندا شەكارا بولىمشەلەرىنىڭ 50 تيپتىك كەشەنىن (اكىمشىلىك عيماراتتاردان، تۇرعىن ۇيلەردەن، اسحانالاردان، كازارمالاردان، مونشا- كىر جۋۋ كەشەندەرىنەن، تاۋارلىق- ماتەريالدىق قۇندىلىقتاردى ساقتاۋ قويمالارىنان، گاراجداردان، تۇراتىن قازاندىقتار، ات قورالار، قىزمەتتىك يتتەرگە ارنالعان پيتومنيكتەر جانە باسقالارى) 2021-2025 -جىلدار ارالىعىندا 71 ميلليارد تەڭگەدەن استام سوماعا جوبالاۋ جانە سالۋ جونىندەگى ءىس- شارالار كوزدەلگەن.

«ءبىرىنشى كەزەكتەگى 20 شەكارا بولىمشەلەرىنىڭ قۇرىلىسىنا رەسپۋبليكالىق بيۋدجەتتەن 31,5 ميلليارد تەڭگە (2022 -جىلى - 9,2 ميلليارد تەڭگە، 2023 -جىلى - 22,3 ميلليارد تەڭگە) ءبولىندى. قۇرىلىس- مونتاج جۇمىستارىن وسى جىلدىڭ سوڭىنا دەيىن اياقتاۋ جوسپارلانۋدا»، - دەدى ءاليحان سمايىلوۆ.

اۆتور

مارلان جيەمباي

سوڭعى جاڭالىقتار