ەلىمىزدەگى جەڭىل كولىكتەردىڭ 50 پايىزعا جۋىعى ەسكى
13 تامىز 11:45

ەلىمىزدەگى جەڭىل كولىكتەردىڭ 50 پايىزعا جۋىعى ەسكى

نۇر- سۇلتان. قازاقپارات - قازاقستاندا تىركەلگەن كولىكتەردىڭ 48,9 پايىزى 20 جىل بۇرىن شىعارىلعان.

مۇنداي دەرەكتەردى ۇلتتىق ستاتيستيكا بيۋروسى كەلتىردى، دەپ حابارلايدى قازاقپارات ءتىلشىسى.

اتالعان ورگاننىڭ دەرەگىنشە، قازاقستاندىقتاردىڭ تەك 6,8 پايىزى شىعارىلعان مەرزىمى 3-7 جىل ارالىعىنداعى كولىكتەردى مىنەدى.

«2022 -جىلعى ماۋسىمدا قازاقستاندا 95801 جەڭىل كولىك ەسەپكە قويىلدى. بۇل - بىلتىرعىمەن سالىستىرعاندا 6,5 پايىزعا از.

جالپى، ەل بويىنشا 3 ميلليون 907,2 مىڭ كولىك بار. جەڭىل اۆتوموبيلدەر الماتى وبلىسىندا كوپ. وندا 501,5 مىڭ كولىك تىركەلگەن. ودان كەيىن تىزىمدە الماتى (463,7 مىڭ كولىك) جانە نۇر- سۇلتان (285,4 كولىك) قالالارى تۇر. ال، جەڭىل اۆتوموبيلدەر ەڭ از ءوڭىر - قىزىلوردا وبلىسى. اتالعان ايماقتا 97,3 مىڭ كولىك تىركەۋگە الىنعان»، - دەپ ءمالىم ەتتى ۇلتتىق ستاتيستيكا بيۋروسى.

ەلىمىزدە تىركەۋگە قويىلعان تەمىرتۇلپارلاردىڭ 86,7 پايىزى بەنزينمەن قوزعالادى. ارالاس وتىنمەن جۇرەتىن كولىكتەردىڭ ۇلەسى - 9,1 پايىز.

جاڭالىقتار