+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قازاقستاندىق كوللەدجدەردە 50 ماماندىق جابىلدى

25 قاراشا 13:54
:ءبولىسۋ
قازاقستاندىق كوللەدجدەردە 50 ماماندىق جابىلدى

نۇر-سۇلتان. قازاقپارات - ءبىلىم جانە عىلىم مينيسترلىگى سۇرانىسقا ساي كەلمەيتىن 50 ماماندىق بويىنشا كوللەدجدەرگە قابىلداۋدى توقتاتتى.

بۇل تۋرالى قازاقپارات ب ع م سىلتەمە جاساپ حابارلايدى.

ۆەدومستۆو تەحنيكالىق جانە كاسىپتىك ءبىلىم بەرۋ (ت ج ك ب) ماماندىقتارى مەن بىلىكتىلىكتەرىنىڭ جاڭا سىنىپتاۋىشىن ازىرلەپ، بەكىتتى. وزگەرىستەر كوللەدجدەردە وقىتىلاتىن ماماندىقتار ەڭبەك نارىعىنىڭ قازىرگى سۇرانىستارىنا سايكەس كەلۋى ءۇشىن جاسالعان. ەندىگى كەزەكتە وقۋ پروتسەسىنە سۇرانىسقا يە ماماندىقتار بويىنشا جاڭا ءبىلىم بەرۋ باعدارلامالارى ەنگىزىلىپ جاتىر. ماسەلەن، قازاقستاندىق كوللەدجدەردە سىناما ىرىكتەۋشى، شام جاساۋشى، گۋۆەرنەر، زاڭگەر- كونسۋلت جانە تاعى باسقا ماماندىقتار بويىنشا قابىلداۋ توقتاتىلدى. سونداي-اق جىكتەۋشىدەن «ءبىلىم بەرۋ ۇيىمىنىڭ زەرتحاناشىسى»، «پاتەنت تانۋ» جانە باسقا دا ماماندىقتار الىنىپ تاستالدى.

«ءبىزدىڭ باستى ماقساتىمىز - ءبىلىم بەرۋ باعدارلامالارى مەن وقىتىلاتىن ماماندىقتاردى جۇمىس بەرۋشىلەردىڭ زاماناۋي سۇرانىستارىنا سايكەستەندىرۋ بولىپ تابىلادى. سوندىقتان ءبىز ۇلكەن تالداۋ جۇمىستارىن جۇرگىزىپ، ەڭبەك نارىعىنا مونيتورينگ جۇرگىزدىك. جۇمىس بەرۋشىلەرمەن جانە سالالىق قاۋىمداستىقتاردىڭ وكىلدەرىمەن كەزدەستىك. ولاردىڭ ۇسىنىستارىن ەسكەرە وتىرىپ، ماماندىقتار جىكتەۋىشىسىن جاڭارتتىق. ەندى قازاقستاندىق كوللەدجدەردە «روبوتوتەحنيكا جانە ەندىرىلگەن جۇيەلەر»، «نانوماتەريالدار نەگىزىندەگى بۇيىمدار تەحنولوگياسى»، «ءوندىرىستىڭ ادديتيۆتى تەحنولوگيالارى»، «قاشىقتان باسقارىلاتىن اۆياتسيالىق جۇيە»، «عيماراتتاردى جوبالاۋ مەن پايدالانۋدىڭ اۆتوماتتاندىرىلعان جۇيەلەرى»، «جىلىجاي شارۋاشىلىعىن ۇيىمداستىرۋ»، «گرافيكالىق جانە مۋلتيمەديالىق ديزاين»، «تاس وڭدەۋ ءوندىرىسى»، «لاندشافتىق ديزاين»، «جىلجىمايتىن مۇلىكتى باسقارۋ»، «دەستيناتسيانى باسقارۋ»، «قۇرىلىستاعى سمەتالىق ءىس»، «ەڭبەكتى قورعاۋ جانە تەحنولوگيالىق پروتسەستەردىڭ قاۋىپسىزدىگى» جانە باسقا دا جاڭا ماماندىقتار وقىتىلادى»، - دەپ اتاپ ءوتتى ق ر ب ع م تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى ناسىمجان وسپانوۆا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات