جارمەڭكە: قوستاناي وبلىسى استاناعا 50 توننا ەت الىپ كەلەدى

None
None
نۇر- سۇلتان. قازاقپارات - 16-17-قازان كۇندەرى نۇر- سۇلتاندا قوستاناي وبلىسىنىڭ اۋىلشارۋاشىلىق جارمەڭكەسى وتەدى، دەپ حابارلايدى قازاقپارات.

ەلوردا اكىمدىگىنىڭ رەسمي سايتىندا ءمالىم ەتىلگەندەي، جارمەڭكە «حان شاتىر» ساۋدا، ويىن- ساۋىق ورتالىعىنىڭ جانىنداعى الاڭدا وتەدى. ەكى كۇن ىشىندە وبلىستىڭ 14 اۋدانى مەن 3 قالاسىنان 50 دەن استام كاسىپورىن ءوز ونىمدەرىن ۇسىنادى.

ونىڭ ىشىندە: التىنسارين، اۋليەكول، دەنيسوۆ، ءجىتىقارا، قارابالىق، قاراسۋ، قامىستى، قوستاناي، مەڭدىقارا، ناۋرىزىم، سارىكول، تاران، فەدوروۆ، ۇزىنكول اۋداندارى جانە ارقالىق، رۋدنىي، قوستاناي قالالارى بار. وبلىس كاسىپورىندارى 270 توننا كولەمىندە 100 دەن استام ءونىم تۇرلەرىن: 50 توننا ەت، 31 توننا ءسۇت ونىمدەرى، 20 توننا شۇجىق ونىمدەرى مەن جارتىلاي فابريكاتتار، 27 توننا جارما مەن ماكارون ونىمدەرى، 60 توننا كارتوپ پەن كوكونىس، 20 توننا ۇن ونىمدەرىن الىپ كەلەدى. سونداي- اق، ساتىلاتىن ونىمدەردىڭ اسسورتيمەنتىنە نان- توقاش، كونديتەرلىك ونىمدەر، بال جانە باسقالار كىرەدى. باعالار نارىقتىق باعادان %10-15 تومەن بولادى.

ايتا كەتەيىك، بيىل ەلوردادا الەۋمەتتىك ماڭىزى بار ازىق- تۇلىك ونىمدەرىنىڭ باعاسىن تۇراقتاندىرۋ ماقساتىندا كوكونىستەر مەن جەمىستەردىڭ ءپىسۋ مەرزىمىن ەسكەرە وتىرىپ، 14 جارمەڭكە وتكىزۋ جوسپارلانعان. ولار 31-قازانعا دەيىن جالعاسادى. 21-تامىزدان باستاپ بۇگىنگە دەيىن استاناعا تۇركىستان، باتىس قازاقستان، شىعىس قازاقستان، قىزىلوردا، الماتى، اتىراۋ، جامبىل، اقتوبە، قاراعاندى، پاۆلودار جانە ماڭعىستاۋ وبلىستارىنىڭ اۋىلشارۋاشىلىق تاۋار وندىرۋشىلەرى جارمەڭكەمەن كەلگەن بولاتىن.

سوڭعى جاڭالىقتار