اۋىلدا باسپانا سالعان جۇمىس بەرۋشىلەرگە شىعىننىڭ 50 پايىزى تولەنەدى
«سونداي- اق، اۋىلدا تۇرعىن ءۇي سالۋ تەتىگىن ەنگىزۋدى ۇسىنىپ وتىرمىز. بۇل تەتىك بويىنشا مەملەكەت باسشىسىنىڭ تاپسىرماسىنا سايكەس اۋىلداردا قىزمەتكەرلەر ءۇشىن تۇرعىن ءۇي سالۋ كەزىندە جۇمىس بەرۋشى شىعىندارىنىڭ % 50- ىن سۋبسيديالاۋ كوزدەلگەن. ياعني، جۇمىس بەرۋشىلەر سول اۋىلدا وزىنە قاجەت ماماندارعا ءۇي سالۋ ءۇشىن اقشا جۇمسايمىن دەسە، جەرگىلىكتى اكىمشىلىكتەرگە ءتىزىمىن بەرەدى. اكىمشىلىكتەر ول ءتىزىمدى بىزگە جولدايدى. ءبىز ول جوبالاردى تەكسەرگەننەن كەيىن رۇقسات بەرەمىز. وسىلايشا اۋىلدا جۇمىس بەرۋشى ازاماتتار ءوز قىزمەتتەرىنە ءۇي سالعاننان كەيىن وعان كەتكەن شىعىننىڭ 50 پايىزىن مەملەكەت سۋبسيديا ارقىلى قايتارىپ بەرەدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندە.
ونىڭ ايتۋىنشا، قازىرگى تاڭدا 76 اۋداندا 2855 تۇرعىن ۇيگە قاجەتتىلىك بار. ياعني ولاردىڭ قۇرىلىسىن سۋبسيديالاۋ ءۇشىن رەسپۋبليكالىق بيۋدجەتتەن 14,3 ميلليارد تەڭگە ءبولۋ قاجەت.
وسى شارادا ۆيتسە- مينيستر باسپانا كەزەگىندەگىلەردىڭ تۇرعىن ءۇي جالداۋ شىعىنى قالاي سۋبسيديالاناتىنىن تۇسىندىرگەن بولاتىن. قايىربەك وسكەنبايەۆتىڭ ايتۋىنشا، بۇدان بىلاي باسپانا كەزەگىندە بازاعا قايتا ەنگىزۋگە جول بەرىلمەيدى.
اۆتور: ەسىمجان ناقتىباي