+7 (701) 759 90 19
-11 °С : نۇر-سۇلتان
-4 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

داۋرەن دياروۆ: «قازاقپاراتتىڭ» سايتىنا 50 دەن استام ەلدە تۇراتىن قازاق باۋىرلارىمىز وقىرمان رەتىندە تىركەلگەن

7 تامىز 21:04
:ءبولىسۋ
داۋرەن دياروۆ: «قازاقپاراتتىڭ» سايتىنا 50 دەن استام ەلدە تۇراتىن قازاق باۋىرلارىمىز وقىرمان رەتىندە تىركەلگەن

نۇر- سۇلتان. قازاقپارات - «قازاقپارات» حالىقارالىق اقپارات اگەنتتىگى» ا ق - كەشەگى قازاق تەلەگراف اگەنتتىگىنىڭ (قازتاگ) جالعاسى، ونىڭ ءتۇپ تامىرى وتكەن ⅩⅩعاسىردىڭ تاريحي قويناۋىندا جاتىر.

1920 -جىلعى تامىزدا رو س ت- نىڭ ورىنبور- تورعاي بولىمشەسى رەتىندە قۇرىلدى. 1925 -جىلى قازروست، ال 1937 -جىلى قازتاگ بولىپ وزگەرتىلىپ، قازاق س س ر مينيسترلەر كەڭەسىنىڭ قاراۋىنا بەرىلدى. وسى ايتۋلى داتا اياسىندا قازاق ەلىنىڭ ءجۇز جىلدىق تاريحىنىڭ ناقتى فاكتىلەر مەن دەرەكتەرىنە تولى «قازاقپارات» حالىقارالىق اقپارات اگەنتتىگى» مەكەمەسىن 2007 - 2016 -جىلدارى باسقارعان داۋرەن كەڭەس ۇلى دياروۆتى اڭگىمەگە تارتقان ەدىك.

- مەن «قازاقپارات» حالىقارالىق اقپارات اگەنتتىگى» ۇجىمىنا 2004 -جىلى كەلدىم. 2007 -جىلى اگەنتتىك باسشىسى بولعانعا دەيىن باس ديرەكتوردىڭ ەكونوميكا جانە دامۋ جونىندەگى ورىنباسارى قىزمەتىن اتقاردىم. بۇل ون جىل «قازاقپارات» حالىقارالىق اقپارات اگەنتتىگى» مەكەمەسىنىڭ نارىقتا ءوز ورنىن تاپقان كەزەڭى بولدى. ال، بۇگىنگى كۇنى عاسىرلىق مەرەيلى مەجەنى ەڭسەرىپ وتىرعان ۇلكەن ۇجىمعا قول جەتكەن بيىك تابىستار تولايىم بولا بەرسىن دەگىم كەلەدى. «قازاقپارات» حالىقارالىق اقپارات اگەنتتىگى» جاڭالىقتارىن بۇگىندە شەتەلدىك اقپارات اگەنتتىكتەرىنىڭ وزدەرى دە جاريالاي باستادى. بۇل بىرلەسىپ سەنىمدىلىكپەن جۇمىس ىستەۋ ناتيجەسى. ويتكەنى «قازاقپارات» حالىقارالىق اقپارات اگەنتتىگى» ءوزىن ەڭ سەنىمدى دەرەككوز رەتىندە تانىتىپ كەلەدى، جاڭالىقتارى ون رەت سۇزگىدەن تەكسەرىستەن وتەدى. تەك ناقتى جانە سەنىمدى دۇنيەلەر جاريالاپ، ءوز وقىرماندارىن قۇرمەتتەيتىن اگەنتتىك.

- ون جىلدان استام اگەنتتىكتە قىزمەت ەتتىڭىز، سونىڭ ىشىندە ءبىراز جىل باسشىلىق جاسادىڭىز. ءجۇز جىلدىق تاريحى بار اگەنتتىكتىڭ وسىناۋ كەزەڭىندەگى ەستە قالعان ەرەكشە ەستەلىكتەرىڭىزبەن بولىسسەڭىز.

- كونە تۇركى جۇرتىنان كونەرمەي كەلە جاتقان ءبىر ۇلاعاتتى اڭگىمە بار: «الدەقالاي مول قازىناعا كەزىكسەڭىز، بۇل تۋرالى ەشكىمگە ءتىس جارماڭىز. ەگەر ءبىر جاقسى دوس تاپساڭىز، ول جونىندە جاقىن تۋىستارىڭىزعا ايتىڭىز. ال ەندى بۇرىن سوڭدى ەستىلمەگەن ءسوزدى ەستىسەڭىز - ونى ءدۇيىم ەلگە جايىڭىز» دەگەن. مازمۇنى ءسال ءپال وزگەشەلەۋ بولعانىمەن وسىناۋ ءبىر وي- تۇجىرىمنىڭ ماعىناسى ءبىزدىڭ بۇگىنگى اڭگىمەمىزگە ارقاۋ بولۋعا تۇرارلىق دەسەم استە قاتەلەسپەسپىن. راسىندا جاقسى جاڭالىقتاردىڭ جارشىسى بولعانعا نە جەتسىن. «قازاقپارات» اگەنتتىگىنىڭ ماقسات- مىندەتتەرى دە وسىعان سايادى دەسەم ارتىق ايتقاندىق ەمەس. 2005 -جىلى تۇڭعىش پرەزيدەنت - ەلباسى نۇرسۇلتان نازاربايەۆتىڭ قازاقستان رەسپۋبليكاسى پرەزيدەنتى سايلاۋى اياقتالعاننان كەيىن بۇقارالىق اقپارات قۇرالدارىمەن كەزدەسۋى بولدى. سول كەزدە ەلباسى ەڭ ءبىرىنشى كەزدەسۋىن وسى ءبىزدىڭ «قازاقپارات» ۇلتتىق كومپانياسىندا وتكىزگەن ەدى، بۇل كەزدەيسوق بولمادى دەپ بىلەمىن. سول كەزدەسۋ بارىسىندا مەملەكەت باسشىسى قازاقپارات قازاقستانداعى جاعدايدىڭ بارلىعىن دۇنيەجۇزىنە لەزدە جەتكىزىپ وتىراتىن ۇلكەن اگەنتتىك بولۋى قاجەتتىلىگىن ەسكەرتتى. سوسىن : «2002 -جىلى قازاقستان جۋرناليستەرىنىڭ I كونگرەسىندە مەن باسقا وتاندىق بۇقارالىق اقپارات قۇرالدارىن اقپاراتپەن قامتاماسىز ەتىپ وتىرۋ ءۇشىن ۇلتتىق اگەنتتىكتى قايتا تۇلەتۋ يدەياسىن ۇسىنعان بولاتىنمىن، قازىر وسى يدەيا ويداعىداي جۇزەگە اسىرىلۋدا» دەپ، ءبىزدىڭ اگەنتتىكتى ەرەكشە اتاپ وتكەنى ەسىمدە.

ەلباسى تاراپىنان بەرىلگەن مۇنداي باعانىڭ «قازاقپاراتقا» كورسەتىلگەن ايرىقشا سەنىم مەن زور جاۋاپكەرشىلىك ەكەنىن تەرەڭ سەزىنە وتىرىپ، سول سەنىمدى اقتاۋعا بارلىق كۇشىمىزدى جۇمىلدىردىق. سەنىم ۇددەسىنەن شىقتىق دەپ ويلايمىن. وسى رەتتە، «قازاقپارات» حالىقارالىق اقپارات اگەنتتىگى» ، عاسىرلىق مەجەسىندە رەسپۋبليكانىڭ قازىرگى اقپارات كەڭىستىگىندە قازاق تىلىندە ءتول اقپارات تاراتاتىن بىردەن- ءبىر ۇلتتىق اقپارات اگەنتتىگى ەكەنىن باسا ايتقىم كەلەدى. ەلىمىزدىڭ ەكونوميكاسى مەن الەۋمەتتىك- مادەني ومىرىندەگى بارلىق ماڭىزدى جاڭالىقتاردى قازاق تىلىندە عانا ەمەس، اعىلشىن، ورىس، قىتاي تىلدەرىندە بار الەمگە جاريا ەتىپ وتىر. بۇعان 2019 -جىلى اشىلعان وزبەك تىلىندەگى نۇسقاسىن قوسىڭىز. وسىنىڭ ءبارى ەلىمىزدىڭ شەتەلدەگى يميدجىنە اقپاراتتىق قولداۋ دەپ بىلەمىن ءارى بۇنى بۇگىنگە دەيىن قازاقپارات ءوز دەڭگەيىندە اتقارىپ كەلدى، الداعى ۋاقىتتا دا اتقارا بەرەدى دەپ ويلايمىن.

ەستەلىك دەمەكشى، اگەنتتىكتىڭ 2007 -جىلدىڭ ءبىرىنشى جارتى جىلدىعىنداعى كورسەتكىشتەرى مەندە ساقتالىپ قالىپتى. سول دەرەكتەرگە جۇگىنسەك، قازاق تىلىندەگى سايت جاڭالىقتارىنا كۇندەلىكتى 650 گە جۋىق، ورىسشا جاڭالىقتارعا 4000 نان استام، اعىلشىنشا سايت حابارلارىنا 900 گە دەيىن وقىرمان كىرگەن ەكەن. مۇنىمەن قاتار، ءۇش تىلدەگى جاڭالىقتاردى رەسەيدەن، قىتايدان، كانادا مەن ا ق ش- تان، اۆستراليا مەن ۇلىبريتانيادان، جاپونيا مەن سينگاپۋردان، تۇركيادان، ەۋروپا ەلدەرىنەن تۇراقتى تۇردە تاۋلىگىنە 800 گە دەيىن ادام وقىپ تۇرعان بولاتىن. جالپى «قازاقپاراتتىڭ» سايتىنا 50 دەن استام ەلدە تۇراتىن قازاق باۋىرلارىمىز وقىرمان رەتىندە تىركەلگەن. اگەنتتىكتىڭ بۇل تىرشىلىگىنە نيدەرلاندى، نورۆەگيا، شۆەتسيا، قىتاي، موڭعوليا جانە الەمنىڭ وزگە ەلدەرىندە تۇراتىن قانداستارىمىز وزدەرىنىڭ ريزاشىلىقتارىن بىلدىرگەن جازبالار ساقتالعان.

- «قازاقپارات» اگەنتتىگى عاسىر جاساپ، ءجۇز جاسقا تولىپ وتىر. وسىناۋ ىزگى ءىستىڭ باسىندا تۇرعان اعالارىمىز بەن اپالارىمىزدىڭ كوبى قازىر جوق. اگەنتتىكتى ۇزاق جىلدار باسقارعان باسشى رەتىندە وتكەن تاريحقا كوز جۇگىرتىپ وتسەك؟

- كەڭەس ۇكىمەتى تۇسىندا اگەنتتىك (قازتاگ) ءبىرىنشى كەزەكتە سوتسياليستىك جانە كوممۋنيستىك قۇرىلىستىڭ تاجىربيەسىن جانە كورىنىستەرىن ناسيحاتتايتىن يدەولوگيالىق قۇرالدىڭ ءرولىن اتقاردى عوي. رەسپۋبليكا بويىنشا ۇكىمەت دەڭگەيىندەگى رەسمي حابار بەرۋ قازتاگ- تىڭ عانا قۇزىرىندا بولاتىن، ءارى ول كەزدە بارلىق راديو، تەلەديدار، گازەتتەر رەسمي حابارلاردى تەك قازتاگ ارقىلى الاتىن. ەكىنشى جاعىنان، قازتاگ رەسپۋبليكالىق، وبلىستىق، اۋداندىق باسپا ءسوز بەتتەرىندە باسىلاتىن رەسمي، ماڭىزدى ماتەريالداردىڭ قازاقشاسىنا جاۋاپتى بولدى. ياعني تىكەلەي مىندەتتى اتقارۋمەن قاتار قازتاگ قازاقتىڭ اقپاراتتىق پۋبليتسيستيكاسى مەن اۋدارماسىن قالىپتاستىردى دەپ ايتا الامىن. ويتكەنى مۇندا ەرەكشە دارىندى اۋدارماشىلار ىستەدى. ولاردىڭ باسقالاردان ارتىقشىلىعى بارلىعىنىڭ بىردەي ىلەسپە اۋدارما جاساي الاتىنىندا بولاتىن. وسى ازاماتتاردىڭ ارقاسىندا كوپتەگەن تەرمين سوزدەردىڭ قازاقشا بالاماسى ءدۇيىم جۇرتقا تانىس ەتىلىپ، قولدانىستاعى سوزدىك قوردىڭ اياسىن كەڭەيتۋگە مۇمكىندىك تۋدى. 1986 -جىلعى جەلتوقسان وقيعاسى وتاندىق باسپا ءسوز ىشىندە قازتاگ- تىڭ شوقتىعى بيىك ەكەنىن مەيلىنشە اشىپ كورسەتتى.

قازتاگ فوتوتىلشىسىنىڭ جەلتوقسانشىلاردىڭ سوتىنان تۇسىرگەن سۋرەتى گازەتكە باسىلعاننان كەيىن قوعامدا ەداۋىر دۇربەلەڭ بولعانى جادىمىزدا. ءبىر نازار اۋدارتار ماسەلە - 1986 -جىلدان كەيىن اگەنتتىكتەگى قازاق تىلىندەگى حابارلارعا ءمان بەرىلىپ، قازتاگ- تىڭ قازاقشا حابارلارى دا شيراي باستادى. سايىپ كەلگەندە، ءوزىنىڭ ءجۇز جىلدىق تاريحىندا اگەنتتىك اتىن بىرنەشە دۇركىن وزگەرتكەنمەن نەگىزىن وزگەرتكەن جوق، باستى ماقسات- مىندەتىنەن تايعان ەمەس. ول - شىنايى جاڭالىقتى دەر كەزىندە جەدەل جەتكىزۋ، قوعام تىرشىلىگىندەگى وقيعالاردى قالىڭ بۇقاراعا تياناقتى دالدىكپەن حابارلاۋ.

- «قازاقپارات» اگەنتتىگىنىڭ قۇرىلىمدىق جۇيەسى مەن قىزمەت اۋقىمىندا تاۋەلسىزدىك جىلدارى ءبىراز وزگەرىستەر مەن جاڭالىقتار بولدى. سول تۋرالى ايتىپ وتسەڭىز.

- 1997 -جىلى قازاقستان رەسپۋبليكاسى پرەزيدەنتىنىڭ جارلىعىمەن قازتاگ «قازاق اقپارات اگەنتتىگى رەسپۋبليكالىق مەملەكەتتىك قازىنالىق كاسىپورنى» بولىپ قايتا قۇرىلدى. 2002 -جىلعى 8 - قاراشادا بۇل كاسىپورىن ۇكىمەت قاۋلىسىمەن «قازاقپارات» ۇلتتىق كومپانياسى» اشىق اكتسيونەرلىك قوعامىنا اينالدى. قۇرىلىمدىق وزگەرىستەردىڭ اقپاراتتىق ءوندىرىستى جاڭاشا ۇيىمداستىرۋعا مول سەپتىگى ءتيدى. 1997 -جىلدان جاڭا زامانعى اقپارتتىق تەحنولوگياعا كوشىپ، تەلەتايپتىق تاسىلدەن ەلەكتروندى اقپارات تاراتۋ تاسىلىنە كىرىسكەن اگەنتتىك رەسپۋبليكانىڭ بارلىق وبلىستارىندا، قىتايدا، وزبەكستاندا، رەسەي مەن ا ق ش- تا، بەلگيادا، ازەربايجان مەن قىرعىزستاندا مەنشىكتى تىلشىلەرى بولدى. جەدەل دە شاپشاڭ اقپارات جاساۋدى جەتىك مەڭگەرە بىلگەن بۇل تىلشىلەر مەملەكەتتىك، ايماقتىق، حالىقارالىق ماڭىزدى وقيعالارعا قاتىستى بيلىكتىڭ ۇستانىمى مەن ساياسي باعدارى، ماسەلەنىڭ ءمان- جايى مەن شىنايى ءتۇپ- توركىنى توڭىرەگىندە وقىرماندارعا ورنىقتى دا ناقتى باعىت- باعدارلار تاراتا باستادى. 2012-2014 -جىلدارى «قازاقستان» ا ق تەلەراديو كورپوراتسياسى قۇرامىنداعى «قازاقپارات» اقپارات اگەنتىگى بولدىق. 2016 -جىلدان بۇگىنگى اتاۋىمىز «قازاقپارات» حالىقارالىق اقپارات اگەنتتىگى» بولىپ اتالدىق. تۇيىندەپ ايتسام، «قازاقپارات» حالىقارالىق اقپارات اگەنتتىگى» زامانا لەبىمەن مۇلدە جاڭا دەڭگەيگە كوتەرىلىپ، مازمۇنى مەن ساپا تۇرعىسىنان دا ايتارلىق دارەجەدە ءبىرقاتار جەتىستىكتەرگە قول جەتكىزىپ، نارىققا نەگىزدەلگەن اقپارات كەڭىستىگىندە وزىندىك ورنى بار ەكەنىن مويىنداتتى.

ءسوزىمنىڭ سوڭىندا مەن «قازاقپارات» ح ا ا باسشىلىعى مەن ۇجىمىن اتاۋلى مەرەيتويىمەن شىن جۇرەكتەن قۇتتىقتاعىم كەلەدى. قادىرلى ارىپتەستەرىمنىڭ، كۇن سايىن اقپاراتتىڭ العى شەبىندە جۇرگەن جۋرناليستەر قاۋىمىنىڭ ەڭبەكتەرى ەلەنە بەرسىن! ۇجىمنىڭ ءاربىر ازاماتىنا باياندى باقىت، وتباسىلارىڭىزعا بەرەكە، بىرلىك تىلەيمىن. ەلىمىز امان، جۇرتىمىز تىنىش بولسىن!

- اڭگىمەڭىزگە راحمەت!

اۆتور: ماحات سادىق



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات