كوروناۆيرۋس: نۇر- سۇلتاندا 50 ناۋقاس جاساندى وكپە جەلدەتۋ اپپاراتىنا قوسىلعان
بۇل تۋرالى نۇر- سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا مالىمدەدى. «بۇگىندە قالادا 3348 كوروناۆيرۋس ينفەكسياسى اۋرۋى تىركەلدى، ونىڭ ىشىندە وتكەن اپتادا 587 جاعداي تىركەلدى. بۇل كورسەتكىش الدىڭعى اپتاعا قاراعاندا 21 پايىزعا كوبەيدى. كۇندەلىكتى ءوسىم - 3 پايىز، 2291 ناۋقاس جازىلىپ شىقتى»، - دەدى سپيكەر ورتالىق كوممۋنيكاتسيالار قىزمەتىندە وتكەن ونلاين بريفينگتە.
بۇگىنگى كۇنى اۋرۋحانادا 2610 ناۋقاس جاتىر، بۇل - الدىڭعى اپتامەن سالىستىرعاندا ءۇش ەسە كوپ. ونىڭ ىشىندە پنيەۆونيامەن اۋىراتىندار سانى - 92 پايىزدى قۇرايدى.
«بۇگىندە اۋرۋحاناداعى 126 ناۋقاستىڭ جاعدايى تۇراقتى، 50 ناۋقاس نەمەسە 40 پايىزى وكپەنى جاساندى جەلدەتۋ اپپاراتىنا قوسىلعان. 12 - ماۋسىمنان باستاپ، مەديتسينالىق ۇيىمدارداعى توسەك- ورىن سانى قايتا قاراستىرۋ ارقىلى 825-كە دەيىن جەتكىزىلدى. سونىمەن توسەك- ورىن 53 پايىزعا دەيىن ۇلعايتىلدى»، - دەدى ساۋلە قيسىقوۆا.
اۆتور: ايجان سەرىكجان قىزى