ەلوردادا بۇگىننەن باستاپ 50 ورىندىق ءدامحانالار جۇمىسىن باستادى
نۇر- سۇلتان قالاسىنىڭ باس مەملەكەتتىك سانيتارلىق دارىگەرى جاننا پىراليەۆا شىعارعان قاۋلىدا ايتىلعانداي 25 - مامىردان باستاپ شامامەن 50 ادام وتىراتىن ورنى بار ءدامحانا مەن مەيرامحانالاردىڭ جۇمىسىنا رۇقسات ەتىلەدى.
«زالعا 50 ورىندىق قويۋ كەرەك جانە وتىراتىن ورىندار اراسى 2 مەتر قاشىقتىقتا بولۋى ءتيىس. ۇجىمدىق ءىس- شارالار وتكىزۋگە جانە بانكەت پەن سالتاناتتى زالداردىڭ جۇمىسىنا تىيىم سالىنادى» ، - دەلىنگەن قۇجاتتا.
ەسكە سالا كەتسەك، 18- مامىردا ەلوردادا سىيىمدىلىعى 30 ادامعا دەيىنگى قوعامدىق تاماقتانۋ ورىندارى جۇمىس ىستەي باستاعان. ول كەزدەگى شارت بويىنشا، عيماراتتىڭ ىشكى جانە جازعى الاڭدارىن قوسقاندا، جالپى كليەنت سانى 30 دان اسپاۋى ءتيىس بولاتىن. سونداي- اق، ەلوردادا ازىرشە كارانتين رەجيمى جەڭىلدەتىلمەيدى. قالا تۇرعىندارى سانيتارلىق نورمالاردى قاتاڭ قاتاڭ ساقتاۋى كەرەك.