+7 (701) 759 90 19
0 °С : نۇر-سۇلتان
4 °С : الماتى
USD 437.20 EUR 475.32
RUB 5.79 CNY 61.94
جاڭالىقتار

ورالدا 50 دەن استام كوشەنىڭ اتى قازاقشاعا وزگەردى

27 ناۋرىز 14:12
:ءبولىسۋ
ورالدا 50 دەن استام كوشەنىڭ اتى قازاقشاعا وزگەردى

ورال. قازاقپارات - ورال قالاسىندا ەلۋدەن استام كوشەنىڭ اتى وزگەردى، دەپ حابارلايدى قازاقپارات ءتىلشىسى.

ب ق و ءماسليحاتىنان تۇسكەن مالىمەتكە قاراعاندا، سونىڭ ىشىندە ءبىرقاتار كوشەگە ەلىمىزگە كەڭىنەن تانىمال ادامداردىڭ ەسىمدەرى بەرىلدى.

اتاپ ايتقاندا، المازوۆ كوشەسى ەندى قازاقتىڭ ۇشقىش قىزى، حالىق قاھارمانى حيۋاز دوسپانوۆانىڭ، كومسومول كوشەسى جازۋشى، مەملەكەت قايراتكەرى، قازاقستاننىڭ ەڭبەك ەرى ءابىش كەكىلبايەۆتىڭ، پريدوروجنايا كوشەسى اكادەميك، عالىم الكەي مارعۇلاننىڭ، فرۋنزە كوشەسى اقىن قايرات جۇماعاليەۆتىڭ، چاگانو- نابەرەجنايا كوشەسى يساتاي- ماحامبەتتىڭ اتىمەن اتالادى. كوۆىلنايا كوشەسىنە جازۋشى ءىلياس ەسەنبەرلين، پەتروۆسكي كوشەسىنە تاعى ءبىر قالامگەر گەرولد بەلگەر، پوليەۆايا كوشەسىنە ساياحاتشى- عالىم گريگوري پوتانين، اتاۋسىز «21-نشى» كوشەسىنە شاكارىمنىڭ ەسىمدەرى بەرىلدى. «بەلايا كازارما» شاعىناۋدانى «اقبەكەت» بولىپ اتالدى.

سونداي-اق ءبىرقاتار كوشەلەر قازاقشا اتاۋعا يە بولدى. ب ق و اكىمدىگى مەن وبلىستىق ءماسليحاتتىڭ بىرلەسكەن قاۋلىسى مەن شەشىمى وبلىستىق ادىلەت دەپارتامەنتىندە تىركەلدى.

ەسكە سالا كەتەيىك، بۇدان بۇرىن اقساي قالاسىنداعى ورتالىق كوشەگە ءال-فارابيدىڭ ەسىمى بەرىلگەنىن جازعان بولاتىنبىز.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات