اتىراۋدا اسكەريلەر 50 ليتر قان تاپسىردى
«باتىس» وڭىرلىك قولباسشىلىعى باسپا ءسوز قىزمەتىنىڭ حابارلاۋىنشا، جەرگىلىكتى اۋرۋحانالارداعى اۋىر ناۋقاستار ءۇشىن قان تاپسىرۋعا 100 دەن استام اسكەري قىزمەتكەر كەلدى. ولاردىڭ باسىم بولىگى العاش رەت دونورلىق قان تاپسىرۋعا قادام جاسادى.
«پروتسەدۋرادان بۇرىن ءار دونور قان توبىن انىقتاۋ ءۇشىن الدىن-الا زەرتحانالىق تەكسەرۋدەن ءوتتى. ساۋالنامالار مەن دەرەك قۇجاتتارىن تولتىرىپ، دارىگەرلەرمەن اڭگىمەلەستى. دونورلىق قان اپاتتاردان زارداپ شەككەندەرگە، قالاداعى اۋرۋحانالاردا جاتقان ناۋقاستارعا شۇعىل مەديتسينالىق كومەك كورسەتۋ ءۇشىن پايدالانىلادى» - دەيدى «باتىس» وڭىرلىك قولباسشىلىعىنىڭ مەديتسينالىق قىزمەت وفيتسەرى، مايور ابرور يساحودجايەۆ.
«باتىس» وڭىرلىك قولباسشىلىعىنىڭ باسپا ءسوز حاتشىسى رۇستەم يگىسىنوۆتىڭ ايتۋىنشا، اسكەري قىزمەتكەرلەردىڭ ءبىر مەزگىلدە تاپسىرعان قانى 50 ليترگە جۋىقتادى.
