باقىت سۇلتانوۆ ۆاشينگتونعا ميلليارد دوللاردىڭ ناقتى قازاقستاندىق 50 تاۋاردى ۇسىندى

ۆاشينگتون. قازاقپارات - 18 -قازاندا ۆاشينگتوندا (ا ق ش) دۇنيەجۇزىلىك بانك توبى مەن ح ۆ ق ديرەكتورلار كەڭەسىنىڭ جىل سايىنعى وتىرىستارى اياسىندا قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى باقىت سۇلتانوۆ ا ق ش ساۋدا حاتشىسى ۋيلبۋر روسسپەن ەكىجاقتى كەزدەسۋ وتكىزدى، دەپ حابارلايدى قازاقپارات.

مينيسترلىك باسپا ءسوز قىزمەتىنىڭ مالىمەتىنشە، كەزدەسۋ قازاقستان رەسپۋبليكاسى مەن امەريكا قۇراما شتاتتارى اراسىنداعى ەكونوميكالىق ىنتىماقتاستىق جونىندەگى جوعارى دەڭگەيلى كەزدەسۋ اياسىندا وتكەن. بۇل باستاما قازاقستان رەسپۋبليكاسىنىڭ تۇڭعىش پرەزيدەنتى ەلباسىنىڭ 2018 -جىلعى قاڭتاردا ساپارى كەزىندە باستالدى.

كەزدەسۋ بارىسىندا تاراپتار ىشكى جانە سىرتقى ساۋدا، تاۋارلار مەن قىزمەتتەردى ەكسپورتتاۋ، كوممەرتسيالىق جانە ينۆەستيتسيالىق جوبالاردى ىسكە اسىرۋ، Tyson Foods كومپانياسىمەن بىرلەسكەن جوبالار، بىرلەسكەن جوبالارعا (AIFC) قارجىلىق قولداۋ كورسەتۋدىڭ ەكى جاقتى ىنتىماقتاستىق سالاسىنىڭ ماسەلەلەرىن، سانكتسيالار ساياساتى، زياتكەرلىك مەنشىك جانە ەلەكتروندىق ساۋداماسەلەلەرىن، سونداي-اق د س ۇ جانە ە ى د ۇ شەڭبەرىندە ىنتىماقتاستىقتى تالقىلادى.

امەريكا قۇراما شتاتتارى قازاقستاننىڭ نەگىزگى ستراتەگيالىق سەرىكتەستەرىنىڭ ءبىرى. ءبىزدىڭ ەلدەرىمىز اراسىنداعى ساۋدا اينالىمى كولەمى 2018 -جىلى الدىڭعى جىلمەن سالىستىرعاندا %36 - عا ارتىپ، 2,2 ميلليارد ا ق ش دوللارىن قۇرادى.

2019 -جىلدىڭ 8 ايىنىڭ قورىتىندىسى بويىنشا وتكەن جىلدىڭ ۇقساس كەزەڭىندەگى دەرەكتەردى ساقتاي وتىرىپ، قازاقستان رەسپۋبليكاسى مەن امەريكا قۇراما شتاتتارى اراسىنداعى تاۋار اينالىمى 1,4 ميلليارد دوللاردى قۇرادى.

ساۋدا- ەكونوميكالىق ىنتىماقتاستىقتى ودان ءارى دامىتۋ جانە ونىڭ جوعارى سەرپىنىنقولداۋ ءۇشىن جەتكىزىلەتىن تاۋارلار مەن قىزمەت نومەنكلاتۋراسىن كەڭەيتۋ، ىسكەر توپتار اراسىندا تىكەلەي بايلانىس ورناتۋ بويىنشا بىرلەسكەن جۇمىستى جالعاستىرۋ ۇسىنىلدى.

قازاقستاندىق تاراپ ا ق ش-قا قازاقستاندىق تاۋارلاردىڭ ەكسپورتىن

50 تاۋار پوزيتسياسى بويىنشا 802,1 ميلليون ا ق ش دوللارىنان استام سوماعا ۇلعايتىپ، ءوزارا ساۋداداعى وڭتايلى ترەندتى نىعايتۋدى ۇسىندى.