+7 (701) 759 90 19
-7 °С : نۇر-سۇلتان
-3 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

اقتوبەدەگى مۇناي كومپانياسى جۇمىسشىلار جالاقىسىن 50 پايىزعا دەيىن كوتەردى

17 قازان 07:39
:ءبولىسۋ
اقتوبەدەگى مۇناي كومپانياسى جۇمىسشىلار جالاقىسىن 50 پايىزعا دەيىن كوتەردى

اقتوبە. قازاقپارات - «شىعىس مۇناي جانە سەرۆيستىك قىزمەت كورسەتۋ» كومپانياسى كەيبىر جۇمىسشىنىڭ جالاقىسىن 50 پايىزعا دەيىن كوتەردى، دەپ حابارلايدى قازاقپارات ءتىلشىسى.

بۇعان دەيىن «شىعىس مۇناي جانە سەرۆيستىك قىزمەت كورسەتۋ» ج ش س جۇمىسشىلارى جالاقى كوتەرۋ ماسەلەسىن قوزعاپ، وبلىس اكىمدىگى كەلىسىمگە كەلۋگە شاقىردى. بۇگىن ەكى تاراپتىڭ ورتاق شەشىم شىعارعانى بەلگىلى بولدى.

«شىعىس مۇناي جانە سەرۆيستىك قىزمەت كورسەتۋ» كاسىپورنىنىڭ جۇمىسشىلارى ەڭبەكاقىلارىن %50 كوتەرۋدى تالاپ ەتكەن بولاتىن. جۇمىسشىلار مەن جۇمىس بەرۋشى اراسىنداعى ەڭبەكاقى داۋى ەكى ايعا سوزىلدى. 11 -قازاندا ءتورت بۇرعىلاۋ بريگاداسى ءوز جۇمىستارىن توقتاتتى. بۇل جاعداي جۇمىسشىلاردىڭ، ياعني، ءوڭىر حالقىنا بايلانىستى بولعان سوڭ وبلىس اكىمدىگى ەڭبەك داۋىن شەشۋگە كومەك كورسەتتى. ينجەنەردەن باستاپ قاراپايىم جۇمىسشىنىڭ سوزىنە دەيىن تىڭدالدى. ەگجەي-تەگجەي تالداۋ جۇرگىزىلدى. كەيىن جۇمىسشىلاردىڭ ەڭبەكاقىلارىن ماماندىقتارىنا قاراي ديففەرەنسيالدى تۇردە كوتەرۋ تۋرالى شەشىم قابىلداندى. اۋىر جۇمىسپەن اينالىسىپ، اناعۇرلىم تومەن ەڭبەكاقى الاتىن قاراپايىم جۇمىسشىلارعا باسىمدىق بەرىلدى. كەلىسسوزدەردىڭ ناتيجەسىندە ەكى تاراپ تا ريزا بولدى. ايلىقتى كوتەرۋ تۋرالى بۇيرىق 16 -قازاندا شىعىپ، بارلىق بريگادالار جۇمىستارىنا قايتا كىرىستى»، - دەپ حابارلادى وڭىرلىك كوممۋنيكاتسيالار قىزمەتى.

ال وبلىس اكىمىنىڭ ورىنباسارى قايرات بەكەنوۆ مۇنداي داۋلاردىڭ ەڭ الدىمەن جۇمىس بەرۋشى مەن جۇمىسشىلار اراسىندا قولدانىستاعى زاڭناما اياسىندا كاسىپوداق ۇيىمدارىنىڭ ارالاسۋى ارقىلى شەشىلۋ كەرەكتىگىن اتاپ ءوتتى.

اۆتور: التىناي ساعىندىقوۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات