+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

قازاقستان المامەن ءوزىن- ءوزى 50 پايىز عانا قامتاماسىز ەتىپ وتىر

16 قىركۇيەك 20:39
:ءبولىسۋ
قازاقستان المامەن ءوزىن- ءوزى 50 پايىز عانا قامتاماسىز ەتىپ وتىر

نۇر-سۇلتان. قازاقپارات - جىل سايىن ەلىمىزگە 1 ميلليون توننادان استام جەمىس- جيدەك يمپورتتالادى ەكەن. باسقا باسقا، المانىڭ ءوزىن سىرتتان تاسيمىز. وتاندىق المانىڭ ۇلەسى 50 پروتسەنت عانا.

تابيعي جاعداي قولايلى، جەر دە جەتكىلىكتى. ءبىراق باۋ- باقشا ءونىمى كوبەيمەي تۇر. وسى ماسەلە بۇگىن الماتى وبلىسىندا وتكەن وتاندىق فەرمەرلەر مەن تاۋار وندىرۋشىلەردىڭ جيىنىندا تالقىلاندى. المانىڭ وتانى قازاقستان سانالسا دا، ەلىمىز الما ەكسپورتى جونىنەن الەمدە تەك 42-ورىندا تۇر. جالپى بىزدەگى الما باق القاپتارىنىڭ كولەمى 34 مىڭ گەكتارعا جۋىق. بۇل كورسەتكىشتى ەكى ەسەگە ۇلعايتۋ ءۇشىن ساپاسى جوعارى 3 ميلليون كوشەت وتىرعىزۋ كەرەك. بۇل ىسپەن قازاق جەمىس- جيدەك جانە كوكونىس شارۋاشىلىعى عىلىمي- زەرتتەۋ ينستيتۋى جانە جەكەلەگەن شارۋالار اينالىسادى.

الماس سادۋاقاس، ءتىلشى:

- تالعار تاۋلارى بوكتەرىندەگى كولەمى 100 گەكتار بولاتىن وسى الماباقتا جەمىستىڭ اتاسى سانالاتىن اپورت بيىل مول ءونىم بەردى. ءار گەكتاردان 15 تونناعا دەيىن ءونىم جينالدى. ال ءيسى مەن ءدامى ءتىپتى عاجاپ. باعباندار باس قوسقان جيىندا باۋ- باقشا ماسەلەسىنە بايلانىستى نەگىزگى پروبلەمالار ايتىلدى. ونىڭ ىشىندە مەملەكەتتەن بولىنەتىن سۋبسيديا، جەڭىلدەتىلگەن نەسيەلەرگە قول جەتكىزۋ دە بار. مىسالى، ەلىمىزدە جاڭعاق ونىمدەرىن ءوسىرۋ ءىسى كەنجەلەپ تۇر. ونىڭ كولەمى 1 مىڭ گەكتارعا دا جەتپەيدى. سوندىقتان اعۋىزى مول ءنارلى ءونىم كوبىنە سىرتتان كەلەدى. باعاسى دا قىمبات. سول سەبەپتى شارۋالارعا قارجىلىق قولداۋ قاجەت.

قازاقستان جەرىنىڭ 4 پايىزى عانا - ورمان. ال جەمىس اعاشتارىنىڭ كوپ وتىرعىزىلعانى شولەيتتى دالانى باۋ- باقشاعا اينالدىرىپ، ودان ەكولوگيالىق ءارى ەكونوميەالىق پايدا كورۋگە بولاتىنى ءسوزسىز. 2025 -جىلعا قاراي ەلىمىزدە باۋ- باقشادان جينالاتىن جەمىس- جيدەك كولەمىن 420 مىڭ توننا جەتكىزۋ جوسپارى بار. ول ءۇشىن ساپاسى جوعارى كوشەتتەردى تاڭداپ، بۋدانداستىرۋ جانە جەرسىندىرۋ ماسەلەسىندە عىلىمي- زەرتتەۋ جۇمىستارىنا سۇيەنۋ كەرەك دەيدى ماماندار.

www.24.kz



باستى سوزدەر: قوعام, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات