قازاقستاندا 50 ميلليارد توننا پايدالى مينەرالدار بار
«ۇكىمەت الدىندا شيكىزات يندۋسترياسىن ۇيىمداستىرۋ جانە ونى پايدالانۋ باعدارىن قايتا ويلاستىرۋ، تابيعي رەسۋرستاردى باسقارۋ، ۇزدىك تەحنولوگيالاردىڭ ترانسفەرتى مەن زاڭنامانى جەتىلدىرۋ ەسەبىنەن ءوندىرىستى جاڭارتۋ مىندەتى تۇر» ، - دەدى رومان سكليار حالىقارالىق تاۋ- مەتاللۋرگيالىق «Astana Mining Metallurgy» كونگرەسى كەزىندە.
ونىڭ ايتۋىنا قاراعاندا، رەسۋرستىق جانە ەنەرگيانى ءتيىمدى پايدالانۋ ساياساتىن جالعاستىرۋ كەرەك.
«قاتتى پايدالى قازبالاردى بولاشاق ۇرپاققا قالدىرۋ ماقساتىندا جۇمىس جۇرگىزىلۋدە. ول ءۇشىن ەنەرگيانى بارىنشا از پايدالانۋ ارقىلى پايدالى قازبالارعا تولىققاندى مونيتوريگ جۇرگىزۋ بويىنشا جاڭا تەحنولوگيالاردى قولدانۋ كەرەك» ، - دەدى مينيستر.
ۆەدومستۆو باسشىسى سونىمەن بىرگە ەلىمىزدە جيناقتالعان رەسۋرستار تۋرالى ءسوز قوزعادى.
«بۇگىنگى كۇنى تاۋ- كەن كاسىپورىندارىندا پايدالى كومپونەنتتەرى جوعارى 50 ميلليارد توننا تەحنوگەندى مينەرالدى جيىنتىق بار. ونى قايتا وڭدەۋدە كاسىپورىندار تەحنولوگيانى بارىنشا پايدالانۋى كەرەك. قايتا وڭدەۋ سالاسىن جىگەرلەندىرۋ ماقساتىندا الەمدىك ۇزدىك تاجىريبەلەرگە سۇيەنە وتىرىپ، زاڭناما جەتىلدىرىلدى. قورشاعان ورتانى قورعاۋ - ونەركاسىپتىك ەكونوميكانى دامىتۋدا ماڭىزدى فاكتور. ول ءۇشىن قازىرگى تاڭدا قازاقستاندا ەكونوميكالىق ءوسىم مەن جاسىل ەكونوميكانى ۇشتاستىرا ءبىلۋ كەرەك» ، - دەدى رومان سكليار.