09:56, 16 - قاڭتار 2019 | GMT +6
لاڭكەستىك شابۋىل جاسالعان قوناقۇيدەن 50 ادام قۇتقارىلدى
استانا. قازاقپارات - كەنيا قۇقىق قورعاۋ ورگاندارى نايروبيدەگى لاڭكەستەر شابۋىل جاساعان قوناق ءۇي كەشەنىندەگى ادامداردى قۇتقارىپ جاتىر.
بۇل تۋرالى Reuters اگەنتتىگى جەرگىلىكتى قۇتقارۋ قىزمەتىنە سىلتەمە جاساپ حابارلايدى.
اگەنتتىك تاراتقان حابارلارعا قاراعاندا، اتىلعان وقتاردىڭ داۋسى ەستىلىپ تۇرعان قوناق ءۇي كەشەنىنەن 50 گە جۋىق ادام ەۆاكۋاتسيالانعان.
بۇعان دەيىن اگەنتتىك ورتالىق عيماراتتارىندا بىرنەشە جارالى ادام قالىپ قويعانىن حابارلاعان. كەيبىر دەرەكتەرگە قاراعاندا، قازا تاپقانداردىڭ سانى 15 كە جەتكەن.
سەيسەنبى كۇنى نايروبيدەگى Dusit قوناق ءۇي-كەڭسە كەشەنىنە لاڭكەستەر شابۋىل جاسادى. كەنيا ىشكى ىستەر ءمينيسترىنىڭ مالىمدەۋىنشە، پوليتسيا كەشەننىڭ بارلىق عيماراتتارىن باقىلاۋىنا العان، عيمارات اۋماعىن تازارتۋ جۇمىستارى اياقتالار ساتكە جاقىنداعان.
«ءاش-شاباب» راديكالدى توبى لاڭكەستىككە جاۋاپكەرشىلىكتى وزىنە الىپ وتىر.