قازاقستان مەن وزبەكستان اراسىنداعى ساۋدا اينالىمى 50 پايىزعا ارتتى
دەپ حابارلايدى قازاقپارات حابار 24 اگەنتتىگىنە سىلتەمە جاساپ.
جالپى، وزبەكستاننىڭ الەمدەگى وزگە الپاۋىت ەلدەرىمەن اراداعى سىرتقى بايلانىسى دا جاقسارا ءتۇستى. سونىڭ ارقاسىندا جىل سوڭىنا دەيىن 3 ميلليارد دوللارعا جۋىق ينۆەستيتتسيا قۇيىلادى دەپ كۇتىلۋدە. شەتەلدىڭ قالتالى ازاماتتارىن وزبەكستاننىڭ جەر استى قازبا بايلىقتارى مەن اتوم ەنەرگەتيكاسى جانە اۋىل شارۋاشىلىعى، تۋريزم سالاسى كوبىرەك قىزىقتىرادى. جالپى قۇنى 1,6 ميلليارد دوللارعا 61 جوبا جۇزەگە اسىپ، ناتيجەسىندە 1400 جۇمىس ورنى اشىلعان. ال ۇلى جىبەك جولى بويىندا قاتار جاتقان قازاقستان مەن وزبەكستان ۆيزالاردى ءوزارا تانۋ جونىندەگى كەلىسىمگە كەلدى. سونىڭ نەگىزىندە تۋريستەر ءبىر قۇجاتپەن ەكى ەلدىڭ اۋماعىندا ەمىن- ەركىن جۇرە الادى.
«مەن سىرتقى ىستەر مينيسترلىگى ەرەكشە ءمان بەرىپ وتىرعان ءۇش ماسەلەگە توقتالعىم كەلىپ وتىر. ولار - وزبەكستاننىڭ ينۆەستيتسيالىق مۇمكىندىكتەرى، ەكىنشى - ەكسپورتتىڭ الەۋەتىن ارتتىرۋ، ءۇشىنشى - ەلگە كەلەتىن تۋريستەر سانىن ەسەلەۋ. سوڭعى ماسەلە بويىنشا مەملەكەت باسشىسى كونستيتۋتسيا كۇنىندە سويلەگەن سوزىندە بيىل ەلىمىزگە 4 ميلليوننان استام تۋريست كەلگەنىن اتاپ ءوتتى. ەگەر ونىڭ ءارقايسىسى 500 دوللار عانا جۇمسادى دەپ ساناساق، وندا ساياحاتشىلار قورجىنىمىزعا 2 ميلليارد دوللار سالدى دەۋگە بولادى»، - دەيدى وزبەكستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى يلحومجون نەماتوۆ.