+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستاندا ءاربىر 50 شاقىرىم سايىن جانارماي قۇيۋ بەكەتى سالىنادى

4 قازان 18:46
:ءبولىسۋ
قازاقستاندا ءاربىر 50 شاقىرىم سايىن جانارماي قۇيۋ بەكەتى سالىنادى

استانا. قازاقپارات - ۇلتتىق ستاندارتتارعا سايكەس، قازاقستاندا ءاربىر 50 شاقىرىم سايىن جانار- جاعارماي قۇيۋ بەكەتىن نەمەسە شاعىن تاماقتانۋ پۋنكتىن سالۋ كوزدەلىپ وتىر.

بۇل تۋرالى و ك ق- دا وتكەن باسپا ءسوز ءماسليحاتىندا ق ر ي د م اۆتوموبيل جولدارى كوميتەتى ءتوراعاسىنىڭ ورىنباسارى امانگەلدى بەكوۆ ءمالىم ەتتى، دەپ حابارلايدى قازاقپارات ءتىلشىسى.

«قازىرگى تاڭدا جول بويىنداعى سەرۆيستەرگە ەرەكشە نازار اۋدارىلىپ وتىر. بۇل رەتتە اتالمىش سەرۆيستەردىڭ قىزمەتىن ساپالى دەڭگەيگە شىعارۋعا ماڭىز بەرىلەدى. تۇگەندەۋ قورىتىندىسى بويىنشا رەسپۋبليكالىق جەلىدە 1900 نىسان بارىن انىقتادىق. ءبىرىنشى جارتىجىلدىقتىڭ قورىتىندىسى بويىنشا 780 نىسان (42 پايىزى) ۇلتتىق ستاندارتتارعا ساي كەلەتىنى بەلگىلى بولدى. جىل سوڭىنا دەيىن ۇلتتىق ستاندارتتارعا سايكەس كەلەتىن نىسانداردىڭ سانىن 850-گە (45 پايىزعا) جەتكىزۋ كوزدەلۋدە»، - دەيدى امانگەلدى بەكوۆ.

ق ر ي د م وكىلىنىڭ ايتۋىنا قاراعاندا، جول بويىنداعى بۇرىنعى نىسانداردى رەتكە كەلتىرۋمەن قاتار، جاڭا نىسانداردى سالۋعا دا ەرەكشە ءمان بەرىلىپ جاتىر.

«بۇل رەتتە جول بويىنداعى نىسانداردىڭ (جانار-جاعارماي قۇيۋ بەكەتى نەمەسە ءدامحانا) سيفرلىق كارتاسىن ازىرلەيمىز. قازىرگى تاڭدا بۇل جۇمىستى ەڭسەرۋ ءۇشىن جۇمىس توبى قۇرىلىپ، ول توپتىڭ قۇرامىنا اكىمدىك قىزمەتكەرلەرى، «اتامەكەن» ۇ ك پ مەن جول جوندەۋ جۇمىستارىنا جاۋاپتى كومپانيالاردىڭ وكىلدەرى ەندى. ەندى ۇلتتىق ستاندارتتارعا سايكەس، ءبىز الداعى ۋاقىتتا ەڭ الدىمەن حالىقارالىق دالىزدەردى سەرۆيس قىزمەتتەرىمەن قامتاماسىز ەتۋدى جوسپارلاپ وتىرمىز. ياعني، ءاربىر 50 شاقىرىم سايىن جانار- جاعارماي بەكەتى جانە شاعىن تاماقتانۋ پۋنكتى سالىناتىن بولادى. سول سەكىلدى، ءاربىر 150 شاقىرىم سايىن ىرىلەۋ سەرۆيس نىسانى، اتاپ ايتقاندا ادامدار قونا الاتىنداي نىساندار نەمەسە تەحنيكالىق قىزمەت كورسەتۋ ورىندارى سالىنادى»، - دەيدى ول.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات