+7 (701) 759 90 19 Лента
18 °С : استانا
25 °С : الماتى
USD 369.36 EUR 431.30
RUB 5.45 CNY 53.80
جاڭالىقتار

قازاقستاندا پوليتسەي قىزمەتكەرلەرىنىڭ ايلىعى 50 پايىزعا ءوسۋى مۇمكىن

14 قىركۇيەك 20:56 200
:ءبولىسۋ
قازاقستاندا پوليتسەي قىزمەتكەرلەرىنىڭ ايلىعى 50 پايىزعا ءوسۋى مۇمكىن

استانا. قازاقپارات - قازاقستاندا جول-پاترۋل قىزمەتى پوليتسەيلەرىنىڭ ايلىعى 50 پايىزعا ءوسۋى ىقتيمال.

جول پوليتسياسىنىڭ ايلىعىن كوتەرۋ تۋرالى بۇگىن و ك ق- دا وتكەن باسپا ءسوز ءماسليحاتىندا ىشكى ىستەر ءمينيسترى قالمۇحانبەت قاسىموۆ ايتىپ بەردى، دەپ حابارلايدى قازاقپارات ءتىلشىسى.

«ءبىز جوبالىق كەڭسەمەن بىرلەسە وتىرىپ، ءبىزدىڭ پوليتسيا قىزمەتكەرلەرىنىڭ جۇمىس ۋاقىتىن قالايشا ءتيىمدى پايدالانۋ، ارتىق ەسەپ بەرۋلەردەن ارىلتۋ، ارتىق وتىرىستار مەن وزىنە ءتان ەمەس قىزمەتتەردەن بوساتۋ جۇمىستارىن قاراستىردىق. قازىر بولجام جاساپ وتىرساق، پوليتسيا قىزمەتكەرلەرىنىڭ 10 پايىزىن قىسقارتا الادى ەكەنبىز. ودان ۇنەمدەلگەن قاراجاتتى قالعان پوليتسيا قىزمەتكەرلەرىنىڭ ايلىعىن كوتەرۋگە جۇمساساق دەيمىز. ءبىزدىڭ بۇل تۇرعىدا ناقتى كوزدەپ وتىرعانىمىز بار: حالىقپەن تىكەلەي جۇمىس اتقاراتىن جول-پاترۋلدىك پوليتسيا قىزمەتكەرلەرىنىڭ ايلىعىن 50 پايىزعا كوتەرسەك دەيمىز. اتتەستاتتاۋدان كىم وتەدى - سول قالادى، وتپەيتىنى - جۇمىستان بوساتىلادى. بۇل ءبىرىنشى باعىت»، - دەدى قالمۇحانبەت قاسىموۆ.

ق ر ىشكى ىستەر مينيسترلىگى ەكىنشىدەن پوليتسيا قىزمەتكەرلەرىن جۇمىسقا ورنالاستىرۋ مەرزىمىن قىسقارتپاق.

«قازىرگى تاڭدا ءبىزدىڭ قىزمەتكەرلەردى جۇمىسقا الۋ ۋاقىتى 9-10 ايعا سوزىلىپ كەتەدى. ءبىز وسى مەرزىمدى قىسقارتقىمىز كەلەدى، سەبەبى بۇل جەردە جەمقورلىققا بايلانىستى دا سۇراقتار تۋىندايدى. ولار مەدكوميسسيادان اۋداننان، وبلىستان ءوتىپ، ءبىزدىڭ وقۋ ورىندارىنا كەلگەن كەزدە ۇمىتكەردىڭ قىزمەتكە مۇلدە ساي ەمەستىگىن كورەسىڭ. ال ول بولسا بارلىق جەردەن سۇرىنبەي ءوتىپ كەتكەن. مىنە، سوندىقتان، وسى ماسەلەلەردى ءجىتى زەرتتەپ، وقۋعا قابىلداۋ ۋاقىتىن 9-ايدان 5-6-ايعا دەيىن قىسقارتىپ، سىناق مەرزىمىن ەنگىزسەك دەيمىز»، - دەدى مينيستر.

 


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات