+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قازاقستاندىق سپورتشى رەسەيدە ورتەنگەن اۆتوبۋستان 50-گە جۋىق جولاۋشىنى قۇتقاردى

11 تامىز 10:27 71
:ءبولىسۋ
قازاقستاندىق سپورتشى رەسەيدە ورتەنگەن اۆتوبۋستان 50-گە جۋىق جولاۋشىنى قۇتقاردى

استانا. قازاقپارات - قازاقستاندىق ەرجان ءامىرحانوۆ جانىپ جاتقان اۆتوبۋستان 50-گە جۋىق جولاۋشىنى قۇتقاردى.

بۇل تۋرالى قازاقپارات ۆەستي سايتىنا سىلتەمە جاساپ حابارلايدى.

باسىلىمنىڭ جازۋىنا قاراعاندا، سەمەيدەن نوۆوسىبىرگە كەتىپ بارا جاتقان اۆتوبۋستا ءورت شىققان. وسى كەزدە اۆتوبۋستا وتىرعان قازاقستاندىق گرەك- ريم كۇرەسىنەن جاتتىقتىرۋشى ءامىرحانوۆ اۆتوبۋس ەسىگىن بۇزىپ اشىپ، جولاۋشىلاردى جانىپ جاتقان اۆتوبۋستان شىعارعان. قۇتقارعانداردىڭ ىشىندە بالالار دا بولعان.

جولاۋشىلاردى قۇتقارىپ جۇرگەن كەزدە ەرجان ءامىرحانوۆتىڭ قۇجاتتارى مەن اقشاسى ورتەنىپ كەتكەن. قازاقستاندىق رەسەيگە كولىك ساتىپ الۋ ءۇشىن بارا جاتقان.

ميگراتسيا باسقارماسى قىزمەتكەرلەرى قازاقستاندىق «باتىرعا» انىقتاما بەرىپ، جەكە قۇجاتىن قالپىنا كەلتىرۋ ءۇشىن جەدەل كومەك كورسەتكەن.

تاسىمالداۋشى فيرمانىڭ ديرەكتورى ءامىرحانوۆتىڭ وتەماقى العانىن جانە وزدەرىنە شاعىم جاساماعانىن ايتتى.

جولاۋشىلار اۆتوبۋسىندا ءورتتىڭ نەدەن شىققانى بەلگىسىز.

  


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات