ءوزىن-ءوزى جۇمىسپەن قامتىعان قازاقستاندىقتاردىڭ 50 پايىزىندا مەكتەپ اتتەستاتى عانا بار

استانا. قازاقپارات - 15- ناۋرىز كۇنى ماجىلىستە «نۇر وتان» پارتياسىنىڭ فراكسياسى جانىنداعى الەۋمەتتىك كەڭەستىڭ جانە پالاتانىڭ الەۋمەتتىك-مادەني دامۋ كوميتەتىنىڭ بىرلەسكەن وتىرىسى ءوتتى.

ق ر پارلامەنتى ءماجىلىسىنىڭ باسپا ءسوز قىزمەتىنەن ءمالىم ەتكەندەي، كەڭەس تاقىرىبى - «جاستاردى كاسىبي الەۋمەتتەندىرۋ ماسەلەلەرى مەن كەلەشەگى». جاستاردى كاسىبي الەۋمەتتەندىرۋ ماسەلەلەرى مەن كەلەشەگى جونىندە سۇراقتاردى تالقىلاۋ ءۇشىن ءدىن ىستەرى جانە ازاماتتىق قوعام مينيسترلىگىنىڭ، ەڭبەك جانە الەۋمەتتىك دامۋ مينيسترلىگىنىڭ، ءبىلىم جانە عىلىم مينيسترلىگىنىڭ، ۇلتتىق ەكونوميكا مينيسترلىگىنىڭ، قازاقستان رەسپۋبليكاسى «ز ت ب» جاستار كونگرەسىنىڭ، «بولاشاق» قاۋىمداستىعىنىڭ، «نۇر وتان» پارتياسى جانىنداعى «جاس وتان» جاستار قاناتىنىڭ وكىلدەرى قاتىستى.

وتىرىس بارىسىندا اتالىپ وتىلگەندەي، مەملەكەتتىك جاستار ساياساتىنىڭ ماقساتى - زاڭعا جانە «قازاقستان 2020: بولاشاققا جول» 2020-جىلعا دەيىنگى مەملەكەتتىك جاستار ساياساتىنىڭ تۇجىرىمداماسىنا سايكەس، جاستاردى ءساتتى الەۋمەتتەندىرۋگە جانە ولاردىڭ الەۋەتىن ەلىمىزدىڭ ودان ءارى دامۋىنا باعىتتاۋعا جاعدايلار جاساۋ.

قازاقستاندىق جاستار ساياساتىنىڭ جۇيەسى جەكە تۇلعانىڭ دامۋىن جانە ونى ەلىمىزدىڭ قوعامدىق، ەڭبەك ومىرىنە تارتۋدى قامتاماسىز ەتۋگە باعىتتالعان.

بىرلەسكەن وتىرىس جۇمىسىنا قاتىسۋشىلار جاستاردى جۇمىسپەن قامتۋ ماسەلەلەرى، ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ جاڭا مەملەكەتتىك باعدارلاماسىنا باسىمدىق بەرىپ وتىرعاندىعىن اتاپ ءوتتى.

ءتورتىنشى وندىرىستىك ريەۆوليۋتسيانى ەسكەرە وتىرىپ، ەكونوميكانى جاڭعىرتۋ، ءبىر جاعىنان ەڭبەك رەسۋرستارىن بوساتۋعا ىقپالىن تيگىزسە، ەكىنشى جاعىنان جەكەلەگەن سالالارعا جوعارى بىلىكتى ماماندارعا دەگەن سۇرانىستىڭ وسۋىنە الىپ كەلەتىنى ءسوزسىز.

سوندىقتان، قولداعى بار ەڭبەك رەسۋرستارىنىڭ ساپاسىن كوتەرۋ ماڭىزدى مىندەت بولىپ تۇر. وكىنىشكە وراي، بۇگىنگى كۇنى ەلىمىزدىڭ ەڭبەككە جارامدى تۇرعىندارىنىڭ %28 (ە ا ن - 9 ميلليون ادام) تەك ورتا مەكتەپ ءبىلىمى بار.

(ءوزىن-ءوزى جۇمىسپەن قامتىعانداردىڭ اراسىندا ورتا ءبىلىمى بار - %50 دەيىن، جۇمىسسىزدار اراسىندا بۇل كورسەتكىش -%32، جالدامالى جۇمىسشىلار اراسىندا - %20 قۇرايدى).

وتىرىس بارىسىندا جاستاردى كاسىبي وقىتۋ، ەڭبەك نارىعىنا قاجەتتى مامانداردىڭ ءارتۇرلى كاسىبي ادەتتەرىنە داعدىلاندىرۋ، جۇمىسپەن قامتۋ ماسەلەلەرى جانە ەڭبەك نارىعىنداعى ۇيلەسىمسىزدىك - العان ءبىلىمى ەڭبەك نارىعىنىڭ قاجەتتىلىگىنە سايكەس كەلمەۋشىلىگى تالقىلاندى.

قالا مەن اۋىل جاستارى اراسىنداعى الشاقتىلىقتى تومەندەتۋ، ولاردى كاسىبي الەۋمەتتەندىرۋ، جاستاردىڭ كاسىپكەرلىك باستاماسىنا قولداۋ كورسەتۋ سۇراقتارى دا نازاردان تىس قالمادى. وتىرىس بارىسىنىڭ قورىتىندىسى بويىنشا ءتيىستى ۇسىنىستار قابىلداندى.