استانا تۇرعىنى 500 مىڭ دوللارىن قايتارماۋ ءۇشىن تۋىسىن ولتىرۋگە تاپسىرىس بەرگەن
ۇيىمداستىرۋشى ءوزىنىڭ تانىسى ارقىلى «ورىنداۋشىمەن» مامىلە جاساپ، وعان شارتتى 10 ميلليون تەڭگەنىڭ ءبىر ميلليون تەڭگەسىن الدىن الا تولەم رەتىندە بەرگەن، سونداي- اق بولجامدى جابىرلەنۋشىنىڭ فوتوسۋرەتى مەن باسقا دا دەرەكتەرى بار ۇيالى تەلەفوندى تاپسىرعان. سول كۇنى قىزمەتكەرلەر جالدامالى كىسى ءولتىرۋشىنى انىقتادى. زاتتاي دالەلدەمەلەر تاركىلەندى.
قىلمىستىڭ ۇيىمداستىرۋشىسى مەن نەگىزگى باستاماشىسىن ۇستاۋ ماقساتىندا پوليتسيا قىزمەتكەرلەرى كىسى ءولىمىن يميتاتسيالاۋ ارقىلى جەدەل كومبيناتسيا جۇرگىزدى. جەدەل- تەرگەۋ ءىس-شارالارىنىڭ ناتيجەسىندە قىلمىستىڭ بارلىق قاتىسۋشىلارى ۇستالىپ، ۋاقىتشا ۇستاۋ يزولياتورىنا قامالدى.
كىسى ولتىرۋگە تاپسىرىس بەرۋشى جابىرلەنۋشىنىڭ تۋىسى ەكەنى انىقتالدى. جابىرلەنۋشى وعان اعىمداعى جىلدىڭ اقپان ايىندا 500 مىڭ ا ق ش دوللارىن ساقتاۋعا بەرگەن، بۇل قىلمىس جاساۋعا سەبەپ بولعان. وزگە دەرەكتەر تەرگەۋ مۇددەسىندە جاريا ەتىلۋگە جاتپايدى.