جىل سايىن ەلىمىزدىڭ 500 عالىمى الەمنىڭ جەتەكشى ورتالىعىندا تاعىلىمدامادان وتپەك
بۇل ۇسىنىس «اشىق» ن ق ا پورتالىندا جاريالانعان «عىلىم جانە تەحنولوگيالىق ساياسات تۋرالى» ق ر زاڭىنىڭ جوباسىنا ايتىلعان، دەپ حابارلايدى قازاقپارات ءتىلشىسى.
«جاس كادرلاردىڭ عىلىمعا كەلۋىن ىنتالاندىرۋ ءۇشىن جىل سايىن الەمنىڭ جەتەكشى عىلىمي ورتالىقتارىنا 500 قازاقستاندىق عالىمدى تاعىلىمدامادان وتۋگە جىبەرۋ ۇسىنىلادى. ولاردى اكادەميالىق جازۋعا، اعىلشىن تىلىنە، تسيفرلىق داعدىلارعا، عىلىمي وتىنىمدەردى ازىرلەۋگە جانە باسقا دا قاجەتتى قۇزىرەتتەر مەن داعدىلارعا ۇيرەتۋ، شەتەلدە جۇمىس ىستەيتىن قازاقستاندىقتاردى عىلىمي ۇيىمدارعا تارتۋ قاجەت. عىلىمي ۇيىمدارعا جاس كادرلاردىڭ كەلۋىن ارتتىرۋ ماقساتىندا «جاس عالىم» جوباسى مەن عىلىمي ۇيىمداردى ينتەگراتسيالاۋ ارقىلى ماگيسترلەر مەن فيلوسوفيا دوكتورلارىن (PhD) دايارلاۋ جالعاسادى»، - دەپ كورسەتىلگەن كونسۋلتاتيۆتىك قۇجاتتا.
عىلىم جانە جوعارى ءبىلىم مينيسترلىگىنىڭ دەرەگىنشە، بۇل رەتتە تەحنيكالىق ماماندىقتار گرانتتار سانى ۇلعايادى. بۇعان قوسا، جاس عالىمدار قاتارىنان عىلىم مەنەدجەرلەرىنىڭ كادرلىق رەزەرۆى قۇرىلادى.