بيىل «بايتەرەك» زەينەتاقى قورىنان 500 ميلليارد تەڭگە قارىز الادى
«اكتيۆتەردىڭ ايتارلىقتاي كولەمىنە قاتىستى تەڭگەرىمدى ينۆەستيتسيالىق ساياساتتى جۇرگىزۋ - پورتفەلدى ءارتاراپتاندىرۋدى تالاپ ەتەدى، ونى تەك جەرگىلىكتى باعالى قاعازدار نارىعى اياسىندا جۇزەگە اسىرۋ مۇمكىن ەمەس.
2016-2019-جىلدار ارالىعىندا ب ج ز ق زەينەتاقى اكتيۆتەرىنىڭ ۆاليۋتالىق ۇلەسى كەزەڭ-كەزەڭىمەن %17 دان %33 عا دەيىن ۇلعايتىلدى. بۇل رەتتە ب ج ز ق زەينەتاقى اكتيۆتەرىنىڭ ۆاليۋتالىق بولىگىن ءتيىمدى باسقارۋ ماقساتىندا شەتەل اكتيۆتەرىنىڭ نەگىزگى كلاستارىنا ينۆەستيتسيالاۋدى كوزدەيتىن ستراتەگيالىق ءبولۋ ازىرلەندى. بۇل - الەمدىك اكسيالار، دامىعان جانە دامۋشى ەلدەردىڭ وبليگاتسيالارى، ينۆەستيتسيالىق دەڭگەيدەگى ەميتەنتتەردىڭ كورپوراتيۆتىك وبليگاتسيالارى»، - دەدى سپيكەر.
ونىڭ مالىمەتىنشە، 2022-جىلدىڭ قورىتىندىسى بويىنشا، زەينەتاقى اكتيۆتەرىنىڭ ءوسۋى جاعدايىندا، ونىڭ ىشىندە ينۆەستيتسيالىق كىرىس ەسەبىنەن ب ج ز ق پورتفەلىندەگى ۆاليۋتالىق اكتيۆتەردىڭ ۇلەسى تومەندەپ، %28,4 دى كورسەتتى. زەينەتاقى اكتيۆتەرىنىڭ ودان ءارى كۇتىلەتىن ءوسىمىن ەسكەرە وتىرىپ، ب ج ز ق پورتفەلىندەگى ۆاليۋتالىق ۇلەس 2023-جىلدىڭ سوڭىنا قاراي %24,3 عا دەيىن تومەندەۋى مۇمكىن.
«زەينەتاقى اكتيۆتەرىندەگى ۆاليۋتالىق ۇلەستىڭ كۇتىلەتىن تومەندەۋىن ەسكەرە وتىرىپ، ۇلتتىق بانك 2023-جىلعا دەيىن شەتەل ۆاليۋتاسىن كەزەڭ-كەزەڭىمەن ساتىپ الۋدى جوسپارلاپ وتىر. ۆاليۋتا پوزيتسياسىن %30 دەڭگەيدە ۇستاپ تۇرۋ ءۇشىن شامامەن 2 ميلليارد ا ق ش دوللارىن ساتىپ الۋ قاجەت بولادى. وسىنشا مولشەردەگى اقشانى ساتىپ الۋ ۆاليۋتا نارىعىنا ايتارلىقتاي اسەر ەتپەيدى، ويتكەنى ول ورتاشا تاريحي ماندەردىڭ 6-7 پايىزىنان اسپايدى (KASE- دەگى جىلدىق ساۋدا كولەمى 2022-جىلدىڭ اياعىندا 29,7 ميلليارد بولدى). سونىمەن قاتار، شەتەل ۆاليۋتاسىن ساتىپ الۋ بويىنشا بۇل وپەراتسيالار قازاقستان قور بيرجاسىنىڭ الاڭىندا جىل بويى بىركەلكى قالىپتا جۇزەگە اسىرىلادى»، - دەدى ۇلتتىق بانك وكىلى.
بۇل وپەراتسيالار تۋرالى مالىمەتتى ۇلتتىق بانكتىڭ سايتىندا اي سايىن ورنالاستىرىلاتىن ۆاليۋتا نارىعى تۋرالى اقپاراتتىق حابارلامادان بىلۋگە بولادى. سونداي-اق زەينەتاقى اكتيۆتەرىن ينۆەستيتسيالىق باسقارۋ بويىنشا اقپارات ب ج ز ق- نىڭ رەسمي سايتىندا تۇراقتى تۇردە جاريالانادى.
ب ج ز ق پورتفەلىندەگى شەتەل ۆاليۋتاسىن ساتىپ الۋ زەينەتاقى اكتيۆتەرى ەسەبىنەن ساتىپ الىناتىن ينۆەستيتسيالاردىڭ گەوگرافياسى مەن قارجى قۇرالدارىنىڭ اۋقىمىن كەڭەيتۋگە باعىتتالعانىن اتاپ وتكەن دۇرىس. بۇل ينۆەستيتسيالىق پورتفەلدىڭ ساپاسىن جاقسارتۋعا، ونى ءارتاراپتاندىرۋعا، سونداي-اق ۇزاق مەرزىمدى پەرسپەكتيۆادا ونىڭ وتىمدىلىگى مەن تابىستىلىعىن ارتتىرۋعا مۇمكىندىك بەرەدى.
نۇرجان تۇرسىنحانوۆ 2023-جىلى «بايتەرەك» ۇ ب ح» ا ق وبليگاتسيالارىن ساتىپ الۋ تۋرالى دا اتاپ ءوتتى.
«2023-جىل ىشىندە «بايتەرەك» ۇ ب ح» ا ق- نىڭ ۇزاق مەرزىمدى وبليگاتسيالارىنا ب ج ز ق- نىڭ جالپى سوماسى 500 ميلليارد تەڭگەگە دەيىنگى زەينەتاقى اكتيۆتەرىن نارىقتىق جاعدايلاردا ينۆەستيتسيالاۋ جوسپارلانىپ وتىر. تارتىلعان قاراجات ماشينا جاساۋ، مەتاللۋرگيا، تاماق جانە جەڭىل ونەركاسىپ، قۇرىلىس يندۋسترياسى، ينفراقۇرىلىم جانە باسقا دا سالالارداعى ءىرى جوبالارعا كرەديت بەرۋگە جۇمسالادى. قارجىلاندىرىلاتىن جوبالاردى ىرىكتەۋ جانە بولىنگەن قاراجاتتىڭ يگەرىلۋىن باقىلاۋ قازاقستان رەسپۋبليكاسىنىڭ ۇكىمەتى دەڭگەيىندە جۇزەگە اسىرىلادى.
كرەديت تاۋەكەلدەرى تۇرعىسىنان «بايتەرەك» ۇ ب ح» ا ق- عا ينۆەستيتسيا سالۋ قاۋىپسىز ءارى بۇل ءىس جۇزىندە قازاقستان رەسپۋبليكاسى ۇكىمەتىنىڭ باقىلاۋىندا بولادى. حولدينگتىڭ كرەديتتىك رەيتينگى قازاقستاننىڭ تاۋەلسىز كرەديت رەيتينگى دەڭگەيىندە جانە Fitch Ratings اگەنتتىگىنىڭ حالىقارالىق شكالاسى بويىنشا تۇراقتى بولجاممەن «BBB» قۇرايدى»، - دەپ اتاپ ءوتتى دەپارتامەنت باسشىسى.
ب ج ز ق زەينەتاقى اكتيۆتەرىن ينۆەستيتسيالاۋ نارىقتىق جاعدايلاردا ۇزاق مەرزىمدى ينۆەستيتسيالىق كوكجيەكتى ەسكەرە وتىرىپ، جۇزەگە اسىرىلادى. وسىلايشا، جوعارىدا اتالعان ينۆەستيتسيالار سەنىمدى بولىپ تابىلادى جانە جىل سايىن ب ج ز ق سالىمشىلارىنا ينۆەستيتسيالىق تابىس اكەلەدى.