الماتى تۇرعىنىنان 500 گە جۋىق كيىك ءمۇيىزى تاركىلەندى
3 جەلتوقسان, 13:49

الماتى تۇرعىنىنان 500 گە جۋىق كيىك ءمۇيىزى تاركىلەندى

استانا. قازاقپارات - الماتى تۇرعىنىنان 500 گە جۋىق كيىك ءمۇيىزى تاركىلەندى، دەپ حابارلايدى قازاقپارات Polisia.kz-كە سىلتەمە جاساپ.

پوليسيا قىزمەتكەرلەرى شاھاردىڭ الاتاۋ اۋدانىنداعى زاريا ۆوستوك شاعىن اۋدانىندا ارنايى ءىس- شارانى جۇرگىزدى. ۇ ق ك ب قىزمەتكەرلەرى جەرگىلىكتى تۇرعىننىڭ قىزىل كىتاپقا ەنگەن اقبوكەن مۇيىزدەرىن ساقتاپ، ساتاتىنى تۋرالى جەدەل اقپاراتتى تەكسەردى. دابىل راستالدى.

كۇدىكتى - 42 جاستاعى ح ەسىمدى ازامات. ونىڭ ءۇيىن ءتىنتۋ بارىسىندا قوسالقى بولمەدەن 462 دانا اقبوكەن ءمۇيىزى، سونداي- اق بەلگىسىز تۇقىمدى تاستار تابىلدى جانە تاركىلەندى. بۇل دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك- ءنىڭ 399-بابى بويىنشا تىركەلدى.

تاۋاردى الماتىعا جەتكىزۋدىڭ ءمان- جايى مەن ونى جۇزەگە اسىرۋ شارتتارى تەرگەۋ بارىسىندا انىقتالاتىن بولادى.

جاڭالىقتار