كولىك پوليتسياسىنىڭ 500 دەن استام قىزمەتكەرى ماراپاتتالدى
مەرەكەلىك شارا بارىسىندا اتالعان سالانىڭ جۇمىسىن ب ا ق- تا جان-جاقتى كورسەتكەنى ءۇشىن بىرنەشە جۋرناليست ماراپاتتالدى.
ەڭبەگى ەلەنگەن ازاماتتار اراسىندا ارىپتەسىمىز، قازاقپاراتتىڭ باتىس قازاقستان وبلىسىنداعى ءتىلشىسى عايساعالي سەيتاق تا بار.
«قاي ۋاقىتتا بولماسىن پوليتسيا قىزمەتى ءارقاشان جانقيارلىق پەن انتقا ادالدىقتىڭ ۇلگىسىن كورسەتتى. قازاقستان پوليتسياسىنىڭ تاريحى كوپتەگەن كوزسىز باتىرلىق پەن حالىققا دەگەن شەكسىز ادالدىقتىڭ مىسالدارىنان تۇرادى. بۇل كۇنى ءبىز ەلىمىزدەگى بەيبىتشىلىك پەن تۇراقتىلىقتى قامتاماسىز ەتۋ ءۇشىن ءوز ءومىرىن قيعان ناعىز پاتريوت قىزمەتكەرلەردى ەسكە الۋعا مىندەتتىمىز»، - دەدى كولىكتەگى پوليتسيا دەپارتامەنتىنىڭ باسشىسى وڭال بەكيەۆ.
مەرەكەگە وراي 500 دەن استام قىزمەتكەرگە مەدال تابىستالدى.
ولارعا «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن»، «ىشكى ىستەر ورگاندارىنىڭ قۇرمەتتى قىزمەتكەرى» جانە 150 مامانعا «قازاقستان پوليتسياسىنا - 30 جىل» توسبەلگىسى تابىستالدى.
