قازاقستان شەكاراسىنان 500 مىڭنان استام ا ق ش دوللارىن زاڭسىز اكەتپەك بولعان ادام ۇستالدى

نۇر- سۇلتان. قازاقپارات - 2022-جىلعى مامىردا شەكاراشىلار «اۋقاتتى» اۆتوموبيل وتكىزۋ پۋنكتىندە (جامبىل وبلىسى) 500000 نان استام ا ق ش دوللارىن زاڭسىز اكەتۋدىڭ الدىن الدى.

بۇل تۋرالى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.

«ۇلتتىق مۇددەلەردى قورعاۋ جانە قارجىلىق تۇراقتىلىقتى قامتاماسىز ەتۋ ماقساتىندا قازاقستان رەسپۋبليكاسىنىڭ پرەزيدەنتى بيىلعى 14- ناۋرىزدا «قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى» 830№ جارلىققا قول قويعانىن ەسكە سالامىز.

وسى جارلىقپەن قازاقستان رەسپۋبليكاسىنان 10000 (ون مىڭ) ا ق ش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن اكەتۋگە تىيىم سالىنادى.

ۇستالعان ازامات پەن ۆاليۋتا قورداي اۋدانى بويىنشا پوليتسيا بولىمىنە تاپسىرىلدى»، - دەلىنگەن حابارلامادا.