قازاقستانعا 500-گە جۋىق قانداسىمىز كوشىپ كەلەدى - ۆيدەو
بۇل تۋرالى تاۋەلسىز Turkmen.news باسىلىمى «تۇركىمەن تەمىر جولدارى» اگەنتتىگىنە سىلتەمە جاساپ حابارلادى.
گازەتتىڭ مالىمەتىنە قاراعاندا، 2-ماۋسىمدا «تۇركىمەن تەمىر جولدارى» اگەنتتىگى «تۇركىمەنباشى - بەرەكەت - سەرحەتياكا - بولاشاق» باعىتىمەن جۇرەتىن ارنايى پويىز ۇيىمداستىرادى. الداعى ۋاقىتتا پويىز تۇركىمەن لوكوموتيۆىنەن قازاقستان تەمىر جولىنا اۋىسادى. ارنايى پويىز جولاۋشىلاردى جاڭاوزەن قالاسىنا دەيىن اپارىپ، سول جەردەن تۇركىمەنستانعا ورالادى.
ەتنيكالىق قازاقتاردى كوشىرۋ جۇمىسى قازاقستاننىڭ تۇركىمەنستانداعى ەلشىلىگىنىڭ وتىنىشىمەن، تۇركىمەنستان توتەنشە جاعدايلار جونىندەگى كوميتەتىنىڭ 11-مامىرداعى شەشىمى بويىنشا اتقارىلادى.
بۇگىندە ەل ۇكىمەتىنىڭ شەتەلدەگى ەتنيكالىق قازاقتاردىڭ ەلگە كوشىپ كەلۋىنە جاعداي جاسايتىن ارنايى باعدارلاماسى بار. ەتنيكالىق قازاقتار ەلگە ورالعاندا بىردەن «قانداس» مارتەبەسىن الادى. مىسالى، بيىل قازاقستانعا شەتەلدەن كوشىپ كەلگەن 2 مىڭعا جۋىق ادام «قانداس» مارتەبەسىن العان. ولاردىڭ كوبىسى الماتى جانە ماڭعىستاۋ وبلىستارىنا قونىستاندى.
«2020 -جىلى ەلىمىزگە تۇركىمەنستاننان 70 ەتنيكالىق قازاق كوشىپ كەلسە، 2021 -جىلعى 26 -اقپاندا 160-تان استام ەتنيكالىق قازاق كوشتى. ولار كوشتى ءبىر جىلدان استام ۋاقىت كۇتتى. 2020 -جىلى 319 ادام تۇركىمەنستاننان قازاقستانعا كوشكەن»، - دەلىنگەن باسىلىمىنىڭ حابارلاماسىندا.