USD 416.91 EUR 446.47
RUB 7.34 CNY 62.53
جاڭالىقتار

ەلوردادا جىل باسىنان بەرى 500-دەن استام ماس جۇرگىزۋشى ۇستالدى

14 مامىر 12:04
:ءبولىسۋ
ەلوردادا جىل باسىنان بەرى 500-دەن استام ماس جۇرگىزۋشى ۇستالدى

نۇر- سۇلتان. قازاقپارات - استانادا جىل باسىنان بەرى 49 مىڭنان استام جول قوزعالىسى ەرەجەلەرىن بۇزۋ فاكتىسى انىقتالدى، دەپ حابارلايدى قازاقپارات نۇر- سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«كولىكتى ماس كۇيىندە باسقارعانى ءۇشىن 500-دەن استام جۇرگىزۋشى ۇستالدى. باعدارشامنىڭ تىيىم سالاتىن بەلگىسىنە وتكەنى ءۇشىن 1200-گە جۋىق جۇرگىزۋشى جاۋاپكەرشىلىككە تارتىلدى. 1500-دەن استام اۆتوكولىك ايىپپۇل تۇراعىنا قويىلدى»، - دەلىنگەن باسپا ءسوز قىزمەتىنىڭ مالىمدەمەسىندە.

سونداي- اق، اپاتتىلىق جاعداي تۋعىزعانى ءۇشىن 600 جۇرگىزۋشىگە اكىمشىلىك شارا قولدانىلعان. 7 مىڭنان استام جاياۋ جۇرگىنشى اكىمشىلىك جاۋاپكەرشىلىككە تارتىلدى.

«پوليتسەيلەر مۇددەلى مەملەكەتتىك ورگاندارمەن جانە ۇكىمەتتىك ەمەس ۇيىمدارمەن بىرلەسىپ، تۇراقتى نەگىزدە ءتۇرلى پروفيلاكتيكالىق ءىس- شارالار وتكىزەدى. جىل باسىنان بەرى «جارقىن بول» جانە «نازار اۋدارىڭىز، بالالار» اكتسيالارى، «بالالاردىڭ جولداعى قاۋىپسىزدىگى» جەدەل- الدىن الۋ ءىس- شاراسى ۇيىمداستىرىلدى. مەكتەپ جانە مەكتەپكە دەيىنگى ۇيىمداردا جول قوزعالىسى ەرەجەلەرىن ساقتاۋ تۋرالى 3000-عا جۋىق دارىستەر، ۆيكتورينالار جانە اڭگىمەلەسۋ- ءتۇسىندىرۋ جۇمىستارى جۇرگىزىلدى»، - دەپ حابارلايدى پ د باسپا ءسوز قىزمەتى.

سونىمەن قاتار، جاس ينسپەكتورلار جاساقتارىنىڭ قاتىسۋىمەن جۇرگىزۋشىلەرگە جادنامالار مەن بالالاردىڭ سۋرەتتەرىن تاراتۋ بويىنشا 65 اكسيا ۇيىمداستىرىلدى. 3500 دانادان استام تارالىممەن ۇگىت ناسيحاتتىڭ 20 ءتۇرى شىعارىلدى.

«قابىلدانىپ جاتقان شارالارعا قاراماستان، بيىل ەلوردا اۋماعىندا جول- كولىك وقيعالارىنان 30-عا جۋىق كامەلەتكە تولماعان بالا زارداپ شەگىپ، ءبىر بالا كوز جۇمدى»، - دەپ اتالىپ وتكەن مالىمدەمەدە.

نۇر- سۇلتان قالاسىنىڭ پوليتسيا دەپارتامەنتى جۇرگىزۋشىلەرگە جول قوزعالىسى ەرەجەلەرىن مۇلتىكسىز ساقتاۋدى ەسكەرتەدى. مەكتەپتەر مەن بالاباقشالارعا جاقىن جەرلەردە، رەتتەلمەيتىن جاياۋ جۇرگىنشىلەر وتكەلدەرىندە، قوعامدىق كولىك ايالدامالارى تۇسىندا، اسىرەسە اۋلالاردا وتە مۇقيات بولۋدى ەسكە سالادى.

ايتا كەتەيىك، اقمولاداعى جول اپاتىنىڭ دەنى جىلدامدىقتى اسىرۋدان بولعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات