+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

بالاسىنىڭ قۇقىعىن بۇزعان 500 اتا-انا جاۋاپكەرشىلىككە تارتىلدى

20 قىركۇيەك 13:36
:ءبولىسۋ
بالاسىنىڭ قۇقىعىن بۇزعان 500 اتا-انا جاۋاپكەرشىلىككە تارتىلدى

نۇر-سۇلتان. قازاقپارات - بالاسىنىڭ قۇقىعىن بۇزعان 500 اتا-انا جاۋاپكەرشىلىككە تارتىلدى.

بۇل تۋرالى ق ر ىشكى ىستەر ءمينيسترىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.

«قولايسىز وتباسىدان شىققان بالالاردى تاربيەلەۋدە مىندەتتەرىن ورىنداماعان 600 دەن استام اتا-انا انىقتالىپ، ەسەپكە الىندى. ولاردىڭ ىشىندە 500 دەن استامى بالالارىنىڭ قۇقىقتارىن بۇزعانى ءۇشىن اكىمشىلىك جاۋاپكەرشىلىككە تارتىلدى»، - دەدى رەسمي وكىل ءى ءى م باسپا ءسوز قىزمەتى الاڭىندا وتكەن بريفينگتە.

سونىمەن قاتار ول 17-19-قىركۇيەك ارالىعىندا وتكىزىلگەن «جاس ءوسپىرىم» جەدەل الدىن الۋ ءىس- شاراسى بارىسىندا وقۋ ورىندارىنداعى قۇقىق بۇزۋشىلىقتاردىڭ الدىن الۋ جۇمىستارىنا ەرەكشە نازار اۋدارىلعانىن ايتتى. ءىس-شارا بارىسىندا 5 مىڭنان استام مەكتەپ پەن 600 كوللەدج قامتىلدى. وقۋشىلارمەن قۇقىق بۇزۋشىلىقتىڭ الدىن الۋ جونىندەگى اڭگىمەلەسۋ جۇرگىزىلدى. بالالارعا قوعامدىق ورىندا ءجۇرىپ- تۇرۋ ەرەجەسى، بەيتانىس ادامدارمەن سويلەسۋ، سونىمەن قاتار جانجال تۋىنداعان جاعدايدا ارەكەت ەتۋ بارىسى ءتۇسىندىرىلدى.

«مۇنان بولەك، پوليتسيا ورگاندارىندا ەسەپتە تۇرعان جاسوسپىرىمدەر مەن قولايسىز وتباسىلاردىڭ تۇرعىلىقتى جەرلەرىن تەكسەرۋ بويىنشا رەيدتەر ۇيىمداستىرىلىپ، تۇرمىستارى زەردەلەندى، اتا-انالارمەن اڭگىمەلەسۋ جۇرگىزىلدى»، - دەدى نۇردىلدا وراز.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات