ەلىمىزدە «500 عالىم» جوباسىنا ىرىكتەۋ باستالدى
مادەنيەت جانە سپورت سالاسىنىڭ قىزمەتكەرلەرىنە دە ءدال وسىنداي مۇمكىندىك تۋىپ وتىر. ول ءۇشىن 28-قازانعا دەيىن كونكۋرستىق ىرىكتەۋگە ونلاين ءوتىنىش قالدىرۋ كەرەك. جالپى بيىل حالىقارالىق باعدارلاما نەگىزىندە 137 ماماندىق بويىنشا تاعىلىمداما قاراستىرىلعان. ونىڭ قاتارىندا «ينكليۋزيۆتى ءبىلىم بەرۋ»، «ۆيرۋسولوگيا»، «ۋربانيستيكا»، «جاڭا ماتەريالدار تەحنولوگياسى» سياقتى ماماندىقتار بار.
باعدارلاما اياسىندا 1055 ستيپەنديا بولىنەدى. قازاقستاندىق ستۋدەنتتەر الەمنىڭ 207 جوعارى وقۋ ورنىندا اكادەميالىق دارەجەسىن ارتتىرا الادى. 28 -جىلدا 12 مىڭعا جۋىق وتانداسىمىز «بولاشاق» باعدارلاماسىنىڭ ستيپەنديانتى اتانعان.
اينۇر كارىبوزوۆا، حالىقارالىق باعدارلامالار ورتالىعىنىڭ پرەزيدەنتى:
- جىل سايىن الەمنىڭ الدىڭعى قاتارداعى عىلىمي ورتالىقتارىندا وتاندىق 500 عالىمدى تاعىلىمدامادان وتكىزۋ تاپسىرماسى شەڭبەرىندە وسى جىلى پيلوتتىق فورماتتا «بولاشاق» باعدارلاماسى شەڭبەرىندە نورماتيۆتىك تۇرعىدا جۇزەگە اسىرىلۋدا. سوندىقتان 1055 ءتىڭ 500 ءى «500 عالىم» جوباسىنا كونكۋرستان تىس، ساندىق ۇيلەستىرىلۋسىز بولىنۋدە.