+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

سولتۇستىك قازاقستان ۋنيۆەرسيتەتىنە «سەرپىن» بويىنشا 500 گرانت ءبولىندى

10 ماۋسىم 18:16
:ءبولىسۋ
سولتۇستىك قازاقستان ۋنيۆەرسيتەتىنە «سەرپىن» بويىنشا 500 گرانت ءبولىندى

پەتروپاۆل. قازاقپارات - سولتۇستىك قازاقستان وبلىسىندا بيىل 237 ستۋدەنت «سەرپىن» جوباسى بويىنشا جوعارى ءبىلىم الىپ شىعادى. تۇلەكتەر %100 جۇمىسپەن قامتىلادى.

بۇل جايىندا سولتۇستىك قازاقستان ۋنيۆەرسيتەتىنىڭ رەكتورى ەرلان شۇلانوۆ وڭىرلىك كوممۋنيكاتسيالار قىزمەتىندە وتكەن بريفينگتە مالىمدەدى، دەپ حابارلايدى قازاقپارات ءتىلشىسى.

بيىلدان باستاپ قوزىبايەۆ ۋنيۆەرسيتەتىنىڭ تۇلەكتەرى جوعارى وقۋ ورنىن بىتىرگەنى تۋرالى حالىقارالىق ستاندارت بويىنشا جاڭا ۇلگىدەگى ديپلوم الادى. سونداي-اق تۇلەكتەردىڭ جۇمىسقا ورنالاسۋ كورسەتكىشىن %92-93 عا جەتكىزبەك.

بۇل تۋرالى بريفينگتە جوعارى وقۋ ورنىنىڭ رەكتورى ەرلان شۇلانوۆ مالىمدەدى.

«وبلىس اكىمدىگىنىڭ قولداۋىمەن تۇلەكتەردىڭ باستى ماسەلەسى - جۇمىسقا ورنالاسۋ شەشىمىن تاپپاق. ول ءۇشىن ءوڭىر كاسىپورىندارىنىڭ باسشىلارىمەن كەزدەسۋلەر وتكىزىلىپ جاتىر. سونىڭ ىشىندە «سەرپىن» باعدارلاماسىنىڭ تۇلەكتەرىنە ەرەكشە كوڭىل ءبولىنىپ وتىر. بيىل بۇل جوبا ارقىلى وقۋدى 237 ستۋدەنت اياقتايدى. ءبىلىم الۋشىلاردىڭ ءارقايسىسىنا وبلىس كاسىپورىندارىنان ۇسىنىس تۇسەدى. بيىل «سەرپىن» جوباسى بويىنشا بىزگە 500 گرانت ءبولىندى»، - دەيدى ەرلان شۇلانوۆ.

مەديتسينالىق ماماندىق العان تۇلەكتەردى دە جۇمىسقا ورنالاستىرۋ ءۇشىن ءساۋىر ايىندا وبلىستىق اۋرۋحانالار مەن ەمحانالار باسشىلارىنىڭ قاتىسۋىمەن ىرىكتەۋ جۇرگىزىلدى. ينتەرناتۋرانى 21 ادام اياقتايدى.

«مىقتى پروفەسسورلىق-وقىتۋشىلىق قۇرامسىز جەتىستىككە قول جەتكىزۋ مۇمكىن ەمەس. بيىل ءبىزدىڭ 2 وقىتۋشىمىز رەسپۋبليكادا «جوعارى وقۋ ورنىنىڭ ۇزدىك وقىتۋشىسى» اتاندى، ولار: تاتيانا راتۋشنايا، PhD دوكتورى، جانە PhD دوكتورى، دوتسەنت توقتار مۇرات.

سونىمەن قاتار، ول ق ر ب ع م- ءنىڭ 7,6 ميلليون تەڭگە كولەمىندە «بيوكومىردىڭ سىلتىسىزدەندىرىلگەن قارا توپىراقتى، توپىراقتىڭ قۇنارلىلىعىنا جانە جازدىق ءبيدايدىڭ شىعىمدىلىعىنا اسەرى» اتتى عىلىمي گرانتىن جەڭىپ الدى.

سونداي-اق، عىلىمي گرانتتاردى - 38 ميلليون تەڭگەنى قازاق ءتىلى مەن ادەبيەتى كافەدراسىنىڭ دوتسەنتى، PhD دوكتورى گۇلميرا مۇحامەتجانوۆا جانە 50 ميلليون تەڭگەنى «ماتەماتيكا جانە ينفورماتيكا» كافەدراسىنىڭ دوتسەنتى، PhD دوكتورى سۆەتلانا لۋتساك جەڭىپ الدى»، - دەيدى ەرلان شۇلانوۆ.

ۋنيۆەرسيتەت بەدەلىنىڭ تاعى ءبىر كورسەتكىشى - شەتەلدىك ستۋدەنتتەردىڭ بولۋى. بۇگىندە باكالاۆرياتتا 10 مەملەكەتتەن 365 ستۋدەنت وقيدى. سونداي-اق، وقۋ ورنىندا بيىل سەرتيفيكاتتاۋ ورتالىعى اشىلدى، ول ستۋدەنتتەرگە ديپلومنان باسقا 1C - بۋحگالتەريا كاسىبي سەرتيفيكاتىن الۋعا مۇمكىندىك بەرەدى.

بۇل جوعارى وقۋ ورىندارى بازاسىندا اشىلعان قازاقستانداعى العاشقى وسىنداي سەرتيفيكاتتاۋ ورتالىعى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات