قازاقستاندا ەڭ جوعارى زەينەتاقى 500 مىڭ تەڭگەدەن اسادى

نۇر-سۇلتان. قازاقپارات - قازاقستاندا اي سايىن تولەنىپ وتىرعان ەڭ جوعارى زەينەتاقى كولەمى 522610 تەڭگەنى قۇرايدى.

بۇل تۋرالى ءبىرىڭعاي جيناقتاۋشى زەينەتاقى قورىنان ءمالىم ەتتى، دەپ حابارلايدى قازاقپارات. «2021 -جىلدىڭ 1-اقپانىنا ب ج ز ق 167423 الۋشىعا تولەم جاسادى. تۇتاستاي العاندا جالپى سوماسى 73,8 ميلليارد تەڭگەگە 172 مىڭنان استام زەينەتاقى تولەمدەرى، ءبىرجولعى زەينەتاقى تولەمدەرى مەن ساقتاندىرۋ ۇيىمدارىنا اۋدارىمدار جۇزەگە اسىرىلدى»، - دەلىنگەن اقپاراتتا.

ونىڭ ىشىندە: - ءبىرجولعى زەينەتاقى تولەمدەرى - 49,6 ميلليارد تەڭگە؛

- ساقتاندىرۋ ۇيىمدارىنا اۋدارىمدار - 9,1 ميلليارد تەڭگە؛

- زەينەتكەرلىك جاسقا تولۋ بويىنشا تولەمدەر - 6,5 ميلليارد تەڭگە؛

- مۇراگەرلىك بويىنشا تولەمدەر - 5,9 ميلليارد تەڭگە؛

- ت ت ج- عا كەتۋگە بايلانىستى تولەمدەر - 2,1 ميلليارد تەڭگە؛

- جەرلەۋگە بەرىلەتىن تولەمدەر - 0,4 ميلليارد تەڭگە؛

- مۇگەدەكتىك بويىنشا تولەمدەر - 0,2 ميلليارد تەڭگە.

«كەستە بويىنشا اي سايىنعى ورتاشا تولەم سوماسى (زەينەتكەرلىك جاسقا تولۋعا بايلانىستى) 25886 تەڭگە، ال اي سايىنعى ەڭ جوعارعى تولەم 522610 تەڭگە بولدى»، - دەدى ۆەدومستۆودان.