+7 (701) 759 90 19
-15 °С : نۇر-سۇلتان
-2 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

وتكەن جىلى 500 دەن استام شەتەلدىك جۇمىسشى ەلىنە قايتارىلدى - ساپاربايەۆ

24 قاڭتار 11:41
:ءبولىسۋ
وتكەن جىلى 500 دەن استام شەتەلدىك جۇمىسشى ەلىنە قايتارىلدى - ساپاربايەۆ

نۇر- سۇلتان. قازاقپارات - وتكەن جىلى 500 دەن استام شەتەلدىك جۇمىسشى ەلىنە قايتارىلدى. بۇل تۋرالى ۇكىمەتتىڭ كەڭەيتىلگەن وتىرىسىندا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

«جالپى بەلسەندى جۇمىس اتقارىلىپ جاتىر. بۇل كورىنىپ تۇر. ءبىراق، سۇراعىم بار. شەتەلدىك جانە جەرگىلىكتى جۇمىسكەرلەرگە جالاقى تولەۋ جونىندە تەڭسىزدىككە جول بەرمەۋ كەرەك. بۇل انىق ماسەلە. وسى جۇمىستىڭ ناتيجەسى قانداي؟ ناتيجەلەر قازىر بار ما، جوق پا؟ « ، - دەپ سۇرادى مەملەكەت باسشىسى الەۋمەتتىك دامۋ جانە ەڭبەكپەن قامتۋ جونىندە بايانداعان ق ر پرەمەر- ءمينيسترىنىڭ ورىنباسارى بەردىبەك ساپاربايەۆتان.

ۇكىمەت باسشىسى ورىنباسارىنىڭ ايتۋىنشا، بۇگىنگى تاڭدا قازاقستاندا 2010 عا جۋىق كاسىپورىندا شەتەلدىك ازاماتتار جۇمىس ىستەيدى. ولاردا ەڭبەك ەتەتىن قازاقستاندىقتاردىڭ ۇلەسى 90 پايىزدى قۇرايدى.

«ءسىزدىڭ تاپسىرماڭىزعا سايكەس، ەڭبەك مينيسترلىگى، باس پروكۋراتۋرا جەرگىلىكتى بيلىك وكىلدەرىمەن بىرىگىپ، 3 مىڭنان استام شەتەلدىك جۇمىس ىستەيتىن 96 كاسىپورىندى تەكسەردى. سونىڭ ناتيجەسىندە مىڭعا جۋىق زاڭ بۇزۋشىلىق انىقتالدى. باس پروكۋراتۋرانىڭ كومەگىمەن 500 دەن استام شەتەلدىك ەلىنە قايتارىلدى. 470 ەڭبەك شارتى بۇزىلدى» ، - دەدى ول.

ب. ساپاربايەۆتىڭ ايتۋىنشا، بيىل بىلتىرعى جىلمەن سالىستىرعاندا شەتەلدىك جۇمىسشىلار كۆوتاسى 40 پايىزعا قىسقارتىلدى. ياعني، بىلتىر 49 مىڭعا جۋىق شەتەلدىك ازامات قازاقستاندىق كاسىپورىندارعا جۇمىسقا تارتىلسا، بيىل ولاردىڭ سانى 29 مىڭعا دەيىن تومەندەتىلدى. ال وسىدان 5 -جىل بۇرىن ەلىمىزدە جۇمىس ىستەيتىن شەتەلدىكتەردىڭ سانى 100 مىڭعا جۋىق بولاتىن.

«وعان قوسىمشا ءبىز قازىرگى قولدانىستاعى زاڭناماعا وزگەرىستەر دايىنداپ، پارلامەنتكە بەردىك. كاسىپورىندارعا شەتەلدەن مامان تارتاتىن بولسا، كەمىندە 2-3 جىلدىڭ ىشىندە سولاردىڭ ورنىنا جۇمىس ىستەيتىن قازاقستاندىق مامان دايىنداۋ قاجەتتىگىن ەسكەرتتىك» ، - دەدى ۇكىمەت باسشىسىنىڭ ورىنباسارى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات