مەملەكەتتىك اپپاراتتا 500 دەن استام وزگەرىس بولدى – ق ر پرەزيدەنتى

None
None
نۇر-سۇلتان. قازاقپارات - سوڭعى جىلدارى مەملەكەتتىك اپپاراتتا 500 دەن استام وزگەرىس بولدى.

بۇل تۋرالى اقوردادا پرەزيدەنتتىڭ كادر رەزەرۆىنە ەنگەن جاستارمەن كەزدەسۋدە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«سوڭعى جىلدارى مەملەكەتتىك اپپارات قۇرىلىمىندا 500 دەن استام وزگەرىس ورىن الدى. ۇنەمى بولا بەرگەن قايتادان ۇيىمداستىرۋ مامانداردىڭ كەتۋىنە تۇرتكى بولدى. سونىڭ سالدارىنان ساباقتاستىق ءۇزىلىپ، بۇل مەملەكەتتىك ورگاندار قىزمەتىنىڭ تيىمدىلىگىنە اسەرىن تيگىزدى»، - دەدى مەملەكەت باسشىسى.

پرەزيدەنتتىڭ اتاپ وتۋىنشە، مەملەكەتتىك اپپارات ءۇشىن ينستيتۋتتىق جاد ءبىرىنشى دەڭگەيلى ماڭىزعا يە.

«بولىمشەنىڭ، ءتىپتى ۆەدومستۆونىڭ باسشىلارى شەگىرتكەدەي ءبىر لاۋازىمنان ەكىنشىسىنە كوشىپ جۇرسە، قانداي جاد جايىندا ءسوز بولماق؟! ءبىر جىل جۇمىس ىستەگەننەن كەيىن كەلەسى لاۋازىمدى تالاپ ەتەدى. نە سول مينيسترلىكتە، بولماسا باسقاسىندا. ءبىز ماسەلەن، جاپونياداعىداي مەملەكەتتىك قىزمەتشىلەر ءۇشىن لايىقتى الەۋمەتتىك پاكەت قۇرۋعا ءتيىسپىز. ول جاقتا دەپارتامەنت ديرەكتورى لاۋازىمىنا دەيىن كوتەرىلگەن مەملەكەتتىك قىزمەتشى ريزا كوڭىلمەن زەينەتكە كەتە بەرەدى. سەبەبى ول ەڭ الدىمەن الەۋمەتتىك پاكەتپەن قامتاماسىز ەتىلگەن. ەكىنشى جاعىنان، ولار قوعامدا قۇرمەتكە يە. سەبەبى ول بەلگىلى ءبىر جىلدار بويى مينيسترلىكتە جۇمىس ىستەپ، مەملەكەتىنىڭ دامۋىنا ءوز ۇلەسىن قوستى. مەنىڭشە، بىزدە دە سولاي بولۋى ءتيىس»، - دەدى مەملەكەت باسشىسى.


سوڭعى جاڭالىقتار