+7 (701) 759 90 19
-6 °С : نۇر-سۇلتان
-2 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

تۇڭعىش پرەزيدەنت قورى 500 بالاعا سومكە سىيلادى

27 تامىز 07:56
:ءبولىسۋ
تۇڭعىش پرەزيدەنت قورى 500 بالاعا سومكە سىيلادى

نۇر-سۇلتان. قازاقپارات - تۇڭعىش پرەزيدەنت قورى بالالارعا ارنايى قاۋىپسىزدىك جولاقشالارى بار وقۋشىلار سومكەسىن سىيلادى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

1- تامىزدان باستاپ ەلىمىزدىڭ بارلىق ايماقتارىندا جىل سايىنعى «مەكتەپكە جول» جالپى ۇلتتىق اكتسياسى وتكىزىلۋدە. ونىڭ ماقساتى - وقۋ جىلىنىڭ باستالۋىنا دايىندىق كەزىندە از قامتاماسىز ەتىلگەن جانە كوپ بالالى وتباسىلاردان شىققان وقۋشىلارعا قولداۋ كورسەتۋ.

بۇل اكتسياعا قاتىسۋ ق ر تۇڭعىش پرەزيدەنتى - ەلباسىنىڭ قورى ءۇشىن داستۇرگە اينالدى.

10 جىل ىشىندە قوردىڭ اتىنان قازاقستاننىڭ بارلىق ايماقتارىنان 9 مىڭ بالاعا مەكتەپ سومكەلەرى مەن كەڭسە تاۋارلارى تۇرىندە ماتەريالدىق كومەك كورسەتىلدى. بۇل جىلى 500 بالاعا مەكتەپكە دايىندالۋ ءۇشىن جاعداي جاسالدى. ونىڭ ۇستىنە سومكەلەر سپورتتىق كيىممەن تولىقتىرىلدى.

بۇگىندە اكتسيا نۇر-سۇلتان، الماتى، قوستاناي، پەتروپاۆل قالالارىن جانە قازاقستاننىڭ ءبىرقاتار شاعىن قالالارىن قامتىدى. مەكتەپ سومكەلەرى تەك قالالار عانا ەمەس، سونىمەن قاتار ەلىمىزدىڭ وسى ايماقتارىنىڭ شالعايداعى اۋىلدارىنا دا جەتكىزىلدى.

بيىل «مەكتەپكە جول» كەڭ اۋقىمدى اكتسياسى اقمولا وبلىسى قورعالجىن اۋىلىندا ۇيىمداستىرىلعان «ۇلى دالا مادەنيەتىندەگى قۇستاردىڭ سيمۆوليكاسى» اتتى رەسپۋبليكالىق شىعارماشىلىق فەستيۆالى بارىسىندا ۇيىمداستىرىلدى. فەستيۆالعا رەسەي فەدەراتسياسى جانە قىرعىز رەسپۋبليكاسىن قوسقاندا 150 بالا قاتىستى.

مەكتەپ سومكەلەرى جارىق شاعىلىستىراتىن ەلەمەنتتەرمەن جابدىقتالعان. بۇل بالانىڭ قاۋىپسىزدىگنە اسا قاجەت. سونداي-اق ءار سومكەنىڭ ىشىنە توتەنشە جاعداي كەزىندە قاجەت قاۋىپسىزدىك جادناماسى، قالتا شامى، دابىل قۇرالى (ىسقىرىق) سالىنعان.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات