15:38, 25 - ماۋسىم 2019 | GMT +6
ازەربايجان مادەني ورتالىعى ارىستىڭ 500 تۇرعىنىنا تۇسكى اس بەردى
نۇر-سۇلتان. قازاقپارات - شىمكەنت قالاسىنداعى ازەربايجان مادەني ورتالىعى ارىس قالاسىنىڭ زارداپ شەككەن 500 تۇرعىنىن تۇسكى اسپەن قامتاماسىز ەتتى، دەپ حابارلايدى قازاقپارات.
قازاقستانداعى ازەربايجان ەلشىلىگىنىڭ Facebook پاراقشاسىندا جاريا ەتىلگەن ۆيدەو ماتەريالدا ادامداردىڭ ارنايى كونتەينەرلەرگە تاماق سالىپ دايىنداپ جاتقانى بەينەلەنگەن.
«شىمكەنت قالاسىنداعى ازەربايجان مادەني ورتالىعى اتىنان بۇگىن ارىستا زارداپ شەگىپ، مەكتەپتەرگە ورنالاستىرعان 500 تۇرعىنىن تۇسكى اسپەن قامتاماسىز ەتەتىن بولادى»، - دەپ جازىلعان ۆيدەو ماتەريالدىڭ اڭداتپاسىندا.