+7 (701) 759 90 19
-13 °С : نۇر-سۇلتان
-11 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

استانادا 500 ليتر قىمىز تەگىن تاراتىلادى

20 ناۋرىز 12:59
:ءبولىسۋ
استانادا 500 ليتر قىمىز تەگىن تاراتىلادى

استانا. قازاقپارات - كاسىپوداقتار فەدەراتسياسى ناۋرىز مەيرامى كەزىندە قازاقستاننىڭ «كينەس» رەكوردتار كىتابىنىڭ كۋالىگىن الۋدى كوزدەيدى. ۇيىم ءبىر ۋاقىتتا 500 ليتر قىمىزدى حالىققا تەگىن تاراتىپ بەرمەكشى، دەپ حابارلايدى قازاقپارات ءتىلشىسى.

اتالعان شارا ناۋرىز مەيرامىن تويلاۋ كەزىندە ۇيىمداستىرىلادى. ەرتەڭ، 21 - ناۋرىزدا استانا اكىمدىگى الدىنداعى ورتالىق الاڭىندا ق ر كاسىپوداقتار فەدەراتسياسىنىڭ كيىز ءۇيى تىگىلىپ، سول جەردە 500 ليتر قىمىز تەگىن تاراتىلادى.

«بىلتىر «31 ارنا» تەگىن قىمىز تاراتىپ، اتالعان كورسەتكىشتى قازاقستاننىڭ رەكوردتار كىتابىنا رەسمي تۇردە ەنگىزگەن بولاتىن. ءبىراق ول كەزدە 250 ليتر بولعان. ەندى، ءبىز ونى ەكى ەسەگە كوبەيتىپ، وتكەن جىلعى رەكوردتى جاڭارتۋدى كوزدەپ وتىرمىز. حالىققا 500 ليتر قىمىزدى تەگىن تاراتامىز. سوسىن قازاقستاننىڭ «كينەس» رەكوردتار كىتابىنىڭ وكىلى كەلەدى. ول ءبارىن بەينەكامەراعا ءتۇسىرىپ، رەكوردتى رەسمي تۇردە تىركەيتىن بولادى. سول جەردە ارنايى كۋالىك بەرىلەدى. ەندى، ساعات 11:00-دە باستايمىز. ءسويتىپ، الاڭعا كەلگەن حالىققا تەگىن تاراتامىز»، - دەدى فەدەراتسيا وكىلى ارداق توعىموۆ قازاقپارات تىلشىسىنە بەرگە سۇحباتىندا.

ايتا كەتەيىك، ەرتەڭنەن باستاپ استانا قالاسىندا ناۋرىز مەيرامىنا ارنالعان مەرەكەلىك شارالار باستالادى. سونىڭ اياسىندا ەلوردانىڭ بىرنەشە جەرىندە ەتنواۋىلدار اشىلادى. ال نەگىزگى الاڭ ەكسپو ىسكەرلىك ورتالىقتىڭ ايماعىندا بولادى. ءبىراق وسى جولى ونىڭ ورنالاسۋى ءسال وزگەردى. ەتنواۋىل بيىك ستەللا تۇرعان بەيبىتشىلىك پەن كەلىسىم اللەياسىنىڭ الدىندا ورنالاسادى. «استانا ەكسپو - 2017» ۇلتتىق كومپانياسىنىڭ كوممەرتسياليزاتسيا دەپارتامەنتىنىڭ باسشىسى داۋلەت ەركەمبايەۆتىڭ ايتۋىنشا، وتكەن جىلى ناۋرىز مەيرامىنا ارنالعان نەگىزگى الاڭ كونگرەسس- ورتالىققا قاراما- قارسى ورنالاسقان. بىلتىر ول جەرگە تال ەگىپ، ساياباق اشىلعان بولاتىن. سول سەبەپتى بيىلعى ناۋرىزدىڭ نەگىزگى شارالارىن بەيبىتشىلىك پەن كەلىسىم اللەياسىنا جاقىن اشىق الاڭدا وتكىزۋ تۋرالى شەشىم قابىلداندى.

«ەستەرىڭىزدە بولسا، ەكسپو كورمەسى كەزىندە سولتۇستىك كىرەبەرىس بولدى. ءدال سول جەردە ناۋرىز مەيرامىنا ارنالعان نەگىزگى شارالار وتەدى. قازىر كيىز ۇيلەر تىگىلىپ، قاجەتتى قۇرال- جابدىقتار ورناتىلىپ جاتىر. بۇل رەسپۋبليكاداعى باستى الاڭ بولادى. 21 - ناۋرىزدا رەسمي اشىلۋى وتەدى. ءداستۇر بويىنشا بارلىق شارالار ۇيىمداستىرىلادى»، - دەيدى دەپارتامەنت باسشىسى.

اۆتور: ارمان اسقاروۆ


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات