USD 434.34 EUR 491.93
RUB 5.56 CNY 68.67
جاڭالىقتار

ءبىلىم سالاسىندا 500 مىڭعا تارتا ادامنىڭ جالاقىسى وسەدى - كۇلاش ءشامشيدينوۆا

28 اقپان 16:07
:ءبولىسۋ
ءبىلىم سالاسىندا 500 مىڭعا تارتا ادامنىڭ جالاقىسى وسەدى - كۇلاش ءشامشيدينوۆا

استانا. قازاقپارات - «نۇر وتان» پارتياسىنىڭ XVIII سەزىندە مەملەكەت باسشىسى نۇرسۇلتان نازاربايەۆ 1 -شىلدەدەن باستاپ جالاقىسى تومەن بيۋدجەتتىك سالا قىزمەتكەرلەرىنىڭ ايلىعىن 30 پروتسەنتكە كوتەرۋدى تاپسىردى.

ق ر ءبىلىم جانە عىلىم ءمينيسترى كۇلاش ءشامشيدينوۆا پرەزيدەنت تاپسىرماسى اياسىندا قاي قىزمەتكەرلەردىڭ جالاقىسى كوتەرىلەتىنىن ايتتى، دەپ حابارلايدى قازاقپارات ءتىلشىسى.

«ءبىلىم بەرۋ سالاسىنداعى جالاقىسى تومەن قىزمەتكەرلەردىڭ ەڭبەكاقىسىن ۇلعايتۋ ديففەرەنسيالدى تۇردە 30 پروتسەنتكە دەيىن جۇزەگە اساتىن بولادى. ءبىلىم سالاسىندا 500 مىڭعا تارتا ادامنىڭ جالاقىسى وسەدى دەپ كۇتىلۋدە. ولاردىڭ قاتارىندا مەكتەپكە دەيىنگى ۇيىمدار مەن ينتەرناتتاردىڭ تاربيەشىلەرى، ولاردىڭ كومەكشىلەرى، مەتوديستەر، الەۋمەتتىك پەداگوگتار، بالاباقشا مەن كوللەدج پسيحولوگتارى، قوسىمشا ءبىلىم بەرۋ ۇيىمدارىنىڭ قىزمەتكەرلەرى، كىتاپxاناشىلار، ۆوجاتىيلار، بۋحالتەرلەر، ءىس جۇرگىزۋشىلەر، ەدەن جۋۋشىلار، كۇزەتشىلەر، وت جاعۋشىلار، سانتەحنيكتەر مەن ەلەكتريكتەر سياقتى باسقا دا تەحنيكالىق قىزمەتكەرلەر بار. قازىرگى كەزدە ق ر ەڭبەك جانە حالىقتى الەۋمەتتىك قورعاۋ مينيسترلىگىمەن قىزمەتكەرلەردىڭ ساناتتارىن جانە جالاقىسىن ارتتىرۋ كولەمىن ناقتى انىقتاۋ جۇمىستارى جۇرگىزىلۋدە»، - دەدى ك. ءشامشيدينوۆا ۇكىمەتتىڭ بۇگىنگى وتىرىسىندا.

ءمينيستردىڭ ايتۋىنشا، وتكەن جىلى اتتەستاتسيانىڭ جاڭا جۇيەسى نەگىزىندە كاتەگورياسىن راستاعان جانە جاڭا مازمۇنداعى وقىتۋ باعدارلامالارىمەن جۇمىس ىستەيتىن ۇستازداردىڭ جالاقىسى 30-50 پروتسەنتكە ءوستى.

ايتا كەتەيىك، كەشە «نۇر وتان» پارتياسىنىڭ XVIII سەزىندە ق ر پرەزيدەنتى نۇرسۇلتان نازاربايەۆ تومەن جالاقى الاتىن بيۋدجەتتىك سالا قىزمەتكەرلەرىنىڭ ايلىعىن 30 پروتسەنتكە كوتەرۋدى تاپسىردى. بۇدان بولەك، اكىمدىك قىزمەتكەرلەرىنىڭ جالاقىسى 25 پروتسەنتكە كوتەرىلەدى. وسى ماقساتتا 1 تريلليونعا جۋىق قارجى بولىنەدى. ال پرەزيدەنتتىڭ بارلىق تاپسىرمالارىن ىسكە اسىرۋعا 2 تريلليون تەڭگە قارالماق.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات