سىر ەلىنەن 500 توننا كۇرىش يرانعا ەكسپورتتالادى

None
None
قىزىلوردا. قازاقپارات - يراندىق كۇرىش سورتىنىڭ العاشقى 500 تونناسى بيىل ەكسپورتتالادى، دەپ حابارلايدى قازاقپارات وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

2018 -جىلى كۇرىششىلەر سۋ تاپشىلىعىنا قاراماستان، 473 مىڭ توننا ءونىم جيناپ، موڭعوليا، تۇركيا جانە اۋعانستان نارىقتارىن يگەرىپ جاتىر.

«وتكەن جىلى وڭىردە ءداستۇرلى ونىمنەن بولەك يرانعا ەكسپورتقا شىعارۋ ءۇشىن كۇرىشتىڭ يراندىق سورتىن ءوسىرۋ باستالدى. قازىرگى ۋاقىتتا ءبىرىنشى پارتيا - 500 توننا يراندىق كۇرىش سورتىن كيللوگرامى - 810 تەڭگەدەن، ياعني بۇگىنگى ەكسپورتتىق باعادان 4 ەسە جوعارى باعادا جونەلتۋ جونىندە كەلىسسوزدەر ءجۇرىپ جاتىر» ، - دەلىنگەن حابارلامادا.

سونىمەن قاتار، ەگىنشىلىكتى دامىتۋ سۋارمالى جەرلەرمەن شەكتەلگەنىن ەسكەرە وتىرىپ، مول ءونىم بەرەتىن جانە سۋدى از قاجەت ەتەتىن داقىل القاپتارىن كوبەيتۋگە، سونداي- اق، مال شارۋاشىلىعىن دامىتۋ ءۇشىن جەم جانە ازىقتىق ءداندى داقىلدار القاپتارىن ۇلعايتۋعا باسىمدىق بەرىلەدى.

2018 -جىلى كۇرىش القاپتارى 3 مىڭ گەكتارعا كەمىدى، ال مايلى داقىلدار، اتاپ ايتقاندا ماقسارى - 2013 -جىلى 1659 گەكتاردان 2018 -جىلى 8404 گەكتارعا دەيىن ۇلعايدى. بۇل ماقسارى مايىن ءوندىرىپ، 2018 -جىلى ءبىرىنشى رەت وسى ءونىمنىڭ 50 تونناسىن قىتاي نارىعىنا شىعارۋعا مۇمكىندىك بەردى. قىتايعا جىل سايىن 2,4 مىڭ توننادان كەم ەمەس ماقسارى مايىن جەتكىزۋ بويىنشا كەلىسىمشارت جاسالدى. وسىنىڭ ەسەبىنەن وسىمدىك شارۋاشىلىعى ونىمدەرى ەكسپورتى %28 وسەدى.

وتكەن جىلدان باستاپ ايماقتا سويا جانە ازىقتىق داقىلدار - سۋدان ءشوبى، قانت قۇماي سياقتى مول داقىلداردى ەنگىزۋ جۇمىستارى باستالدى. بيىل كۇرىش القاپتارى تاعى 2171 گەكتارعا ازايىپ، 4068 گەكتارعا ازىقتىق جانە 1293 گەكتارعا كارتوپ، كوكونىس، باقشا داقىلدارى ەگىلەدى.

سوڭعى جاڭالىقتار