مەكسيكاداعى پرەزيدەنتتىك سايلاۋ ناۋقانىندا 500 دەن استام ساياساتكەر قازا تاپقان

استانا. قازاقپارات - مەكسيكاداعى ساياسي ناۋقان ناعىز قاندى قاساپقا اينالدى. 2017 - جىلعى قىركۇيەكتەن بەرى 523 كىسى قازا تاپقان. ولار لاۋازىم يەلەرى، ساياساتكەرلەر جانە بيلىك وكىلدەرى.

ۇركىتۋ ءورشىپ، قورقىتۋ بەلەڭ العان تۇستا كىسى قانىنىڭ توگىلۋى وسى ەلگە ءتان سالت سەكىلدى. قۇرباندىققا شالىنعان 523 تۇلعا. بۇل دەرەك «ەتەلەكت» اناليتيكالىق كومپانياسى تاراتقان مالىمەت.

 ەلدە پرەزيدەنت سايلاۋىنىڭ العاشقى كەزەڭى بىلتىر قىركۇيەكتە باستالعان ەدى. سودان بەرى 152 ساياساتكەر، 48 ءتۇرلى لاۋازىمعا ۇمىتكەر، 371 مەملەكەتتىك قىزمەتكەر كوز جۇمدى. جەرگىلىكتى بۇقارالىق اقپاراتتىڭ حابارلاۋىنشا، قازىرگە دەيىنگى جينالعان داۋىس قورىتىندىسى بويىنشا مەحيكو قالاسىنىڭ بۇرىنعى مەرى اندرەس مانۋەل لوپەس وبرادور جەڭىمپاز بولدى. مەكسيكانىڭ جاڭا پرەزيدەنتى جەمقورلىققا قارسى قاتاڭ كۇرەس جۇرگىزىپ، ەلدەگى بەركەسىزدىكتى جويۋعا ناقتى قادامدار جاسايتىنىن ايتتى.

www.24.kz