شەنەۋنىكتەر استانا ماڭىنان 500 ميلليون تەڭگەگە جەر تەلىمىن زاڭسىز ساتىپ جىبەرگەن

استانا. قازاقپارات - استانا ماڭىندا، اكىمدىك، ح ق ك و مەن ادىلەت ورگاندارىنىڭ قىزمەتكەرلەرى جەردى ءبولۋ تۋرالى قۇجاتتاردى قولدان جاساپ، حالىققا ساتىپ وتىرعان. بۇل تۋرالى ق ر باس پروكۋرورىنىڭ ورىنباسارى اندرەي كراۆچەنكو ءمالىم ەتتى، دەپ حابارلايدى قازاقپارات.

«ادامدار الدانىپ قالعان. ولاردى كىم الدادى؟ ولار - ارام پيعىلدى شەنەۋنىكتەر، اكىمدىكتىڭ كەيبىر قىزمەتكەرلەرى جەر تەلىمدەرىن جالعان قۇجاتتار ارقىلى ساتقان. ماسەلەن، استانا ماڭىندا، اكىمدىك، حالىققا قىزمەت كورسەتۋ ورتالىقتارى مەن ادىلەت ورگاندارى قۇجاتتاردى قولدان جاساعان جانە سول كۇيى ساتىپ وتىرعان. وسىنداي 370 جەر تەلىمى انىقتالىپ وتىر. قىلمىسكەرلەر ونىڭ جارتىسىن ساتىپ ۇلگەرگەن جانە جارتى ميلليارد تەڭگە تابىس كورگەن، 187 ازامات جاپا شەكتى»، - دەدى كراۆچەنكو استانادا وتكەن باس پروكۋراتۋرانىڭ القا ماجىلىسىندە.

ونىڭ ايتۋىنشا، تەرگەۋ اياقتالعان. «جاقىن ارادا قىلمىستىق ءىس سوتقا جولداندى. 24 ادام جاۋاپكەرشىلىككە تارتىلىپ وتىر»، - دەپ حابارلادى كراۆچەنكو.