قىزىنىڭ تۋعان اكەسى بولماي شىققانىن بىلگەن ەر ادام ايەلىنەن 500000 تەڭگە ءوندىرىپ الدى
نەكەدە ولاردىڭ ورتاق قىزى دۇنيەگە كەلگەن. اجىراسقاننان كەيىن، كۇيەۋى اي سايىن ايىپتالۋشىنىڭ قىزىنا اليمەنت تولەپ، وزىنە مىندەت الادى. ەكەۋى اجىراسىپ كەتسە دە، اكەسى قىزىمەن كورىسىپ، دەمالىس كۇندەرى بالانى الىپ كەتىپ وتىراتىن.
«2017 -جىلدىڭ جەلتوقسان ايىندا سوتتالۋشى ۇيلەنەتىنىن ايتىپ، اكەسى بالانى تاستاپ كەتۋىن سۇرايدى. ناتيجەسىندە، شاعىمدانۋشى ءوزىنىڭ تۋعان بالاسى ەكەنىنە كۇمان تۋدىرىپ، ايىپتالۋشىدان ءوز ەركىمەن د ن ق تاپسىرۋدى تالاپ ەتكەن. زەرتتەۋدىڭ قورىتىندىسى بويىنشا، قىزدىڭ اكەسى باسقا ەر ادام بولىپ شىقتى. ساراپشىنىڭ قورىتىندىسى مەن ايىپتالۋشىنىڭ بۇل قىلىعى تەك شاعىمدانۋشىعا عانا ەمەس، بالاعا باۋىر باسىپ قالعان جىگىتتىڭ اتا-اناسىنا دا سوققى بولدى»، - دەپ ءتۇسىندىردى سوت.
ەر ادام ايىپتالۋشىدان اليمەنت تولەۋ تۋرالى مىندەتتەمەدەن بوساتۋدى جانە تۋعان اكەسى دەگەن تىزىمنەن الىپ تاستاپ، 352121 تەڭگە سوماسىندا اقشا قايتارۋدى تالاپ ەتتى. اقىرى بۇل ءىس مەدياتسيا ارقىلى شەشىلدى. ناتيجەسىندە سوت ايىپتالۋشىعا 502000 تەڭگە كولەمىندەگى اقشانى شاعىمدانۋشىعا قايتارسىن دەپ شەشىم شىعاردى. سوت شەشىمى بويىنشا تاراپتار اراسىندا جاسالعان مەدياتسيا تۋرالى كەلىسىم بەكىتىلىپ، ءىس جۇرگىزۋ توقتاتىلدى.